شىمكەنتتە 27 قاراشادا ۇلى وتان سوعىسىنىڭ سوڭعى ارداگەرى مۇراتالى تولەپبەرگەنۇلى قايتىس بولدى, - دەپ حابارلايدى Shalqar.kz تىلشىسى OTYRAR سايتىنا سىلتەمە جاساپ.

بيىل مامىردا مايدانگەر وتباسى ورتاسىندا قوس مەرەيتويىن, 100 جىلدىعىن جانە ۇلى جەڭىستىڭ 80 جىلدىعىن, اتاپ وتكەن ەدى.

مۇراتالى تولەپبەرگەنۇلى سوعىسقا 1943 جىلى, 18 جاسىندا اتتانعان. ول 339-شى تانكىگە قارسى ارتيللەرييالىق بولىمشە قۇرامىندا راديست بولىپ شايقاسقان.

قازاقستاندىق جاۋىنگەر برەستتەن باستاپ سوعىسىپ, ۋكراينا مەن پولьشا جەرلەرىندە شايقاسقا قاتىسىپ, گەرمانيياعا دەيىن بارعان. جەڭىستەن كەيىن دە تاعى بەس جىل اسكەري قىزمەتتە بولعان.

كورسەتكەن ەرلىگى مەن باتىرلىعى ۇشىن II دارەجەلى وتان سوعىسى وردەنىمەن, "ەرلىگى ۇشىن", "ۆارشاۆانى ازات ەتكەنى ۇشىن" جانە "1941–1945 جىلدارداعى ۇلى وتان سوعىسىنداعى جەڭىس ۇشىن" مەدالьدارىمەن ماراپاتتالعان.

ارداگەر كەيىنگى جىلدارى تۇرىپ كەلگەن تۇلكىباس اۋدانىندا اسكەري قۇرمەتپەن جەرلەندى.