كەلەسى جىلدان باستاپ ۇلكەن الماتى اينالما اۆتوموبيلь جولىندا (ۇاااج) جولاقى تاريفتەرى قىمباتتايدى, دەپ حابارلايدى Shalqar.kz.

كولىك مينيسترلىگى ۇلكەن الماتى اينالما اۆتوموبيلь جولىندا جۇرۋ ۇشىن تولەم الۋ ەرەجەلەرىن قايتا قاراپ جاتىر. جاڭا وزگەرىستەردىڭ ماقساتى — ادامداردىڭ جولاقىنى ۋاقىتىندا تولەۋىن قامتاماسىز ەتۋ.

جەڭىل كولىكتەر ۇشىن تاريف 0,07 اەك-دەن 0,14 اەك-گە دەيىن وسىپ, 605,5 تەڭگە بولادى. باسقا ساناتتاعى كولىكتەر ۇشىن دە تاريف وسى كولەمدە قىمباتتايدى. اينالما جول اكىمشىلىگىنىڭ حابارلاۋىنشا, 2026 جىلعى 1 قاڭتاردان باستاپ اەك مولشەرى بولجام بويىنشا 4 325 تەڭگە بولادى.

جولاقى بۇرىنعىداي جولدا بىر ساعات بويى بولۋ ۋاقىتىنا جانە كولىك ساناتىنا بايلانىستى ەسەپتەلەدى.

تاريفتىڭ وزگەرۋىمەن بىرگە الدىن الا تولەم نەمەسە كەيىنگى تولەم جاساعان جاعدايدا 50% جەڭىلدىك ەنگىزۋ جوسپارلانىپ وتىر:

• الدىن الا تولەم — اقىلى جولعا كىرمەي تۇرىپ, جەكە شوتقا نەمەسە كولىك نومىرىنە قاراجات اۋدارۋ. بۇل كەزدە پايدالانۋشىعا بەلگىلەنگەن تاريفتىڭ 50% مولشەرىندە جەڭىلدىكپەن تولەۋ مۇمكىندىگى بەرىلەدى.

• كەيىنگى تولەم — جولدى جۇرىپ وتكەننەن كەيىن 7 كۇنتىزبەلىك كۇن ىشىندە تولەم جاساۋ جول اقىسىنا 50% جەڭىلدىك الۋعا مۇمكىندىك بەرەدى.

• ەگەر تولەم كورسەتىلگەن مەرزىم ىشىندە تۇسپەسە, 7 كۇن وتكەن سوڭ قارىز بوپ جينالادى جانە جولاقىنى جەڭىلدىكسىز, تولىق مولشەردە تولەۋ كەرەك.

سونىمەن قاتار تالعار, قاراساي جانە ىلە اۋداندارىندا تىركەلگەن تۇرعىندارعا ارنالعان ايلىق جانە جىلدىق ابونەمەنتتەردىڭ قۇنى وزگەرىسسىز قالادى.

ايتا كەتەيىك, ۇلكەن الماتى اينالما جولى — الماتى قالاسىن سىرتىنان اينالىپ وتەتىن, ترانزيتتىك كولىكتى قالانىڭ ىشكى جۇرىسىنەن شىعارۋ ماقساتىنداعى 66 شاقىرىمداعى اينالما اۆتوجول. ول مەملەكەتتىك مەنشىككە تيەسىلى جانە 2023 جىلى كولىك مينيسترلىگىمەن جاسالعان كونتسەسسييالىق كەلىسىم اياسىندا «باكاد ينۆەستيتسيي ي وپەراتسيي» جشس باسقارۋىنا بەرىلگەن.