مەملەكەتتىك اۋرۋحانادا قىزمەت نەمەسە تەكسەرىستەن وتە الماعان ناۋقاستاردى جەكە كلينيكالارعا جىبەرىپ, شىعىندى مىندەتتى الەۋمەتتىك مەديتسينالىق ساقتاندىرۋ (مامس) قاراجاتى ەسەبىنەن وتەۋ جوسپارلانىپ وتىر, - دەپ حابارلايدى Shalqar.kz.

بۇعان دەيىن ماجىلىس دەپۋتاتتارى دەنساۋلىق ساقتاۋ مينيسترى اكمارال النازاروۆانىڭ اتىنا دەپۋتاتتىق ساۋال جولداعان ەدى. ولار كەيىنگى جىلدارى مەديتسينالىق قىزمەتتەردىڭ باعاسى وسىپ, ال قولجەتىمدىلىگى شامامەن ەكى ەسە تومەندەگەنىن ايتتى.

دەپۋتاتتاردىڭ سوزىنشە, ناۋقاستار اپتالاپ, كەيدە ايلاپ تالداۋ تاپسىرا الماي, كت, مرت جانە وزگە دە تەكسەرۋلەردەن وتە الماي جۇر. سونىڭ سالدارىنان ادامدار اقىلى تۇردە تەكسەرىلۋ ۇشىن جەكەمەنشىك كلينيكالارعا بارۋعا ماجبۇر.

دەپۋتاتتار قىزمەتتى مەملەكەتتىك كلينيكادا الا الماعان ناۋقاستى جەكە كلينيكاعا جىبەرىپ, شىعىندى مامس ارقىلى وتەۋگە قاتىستى باستاما كوتەردى.

دەنساۋلىق ساقتاۋ مينيسترلىگى كلينيكا 10 كۇن ىشىندە قاجەت قىزمەتتى كورسەتپەسە, ناۋقاس "ەش كەدەرگىسىز" باسقا مەديتسينالىق ۇيىمعا اۋىسا الاتىنىن ايتتى.

"ەگەر ناۋقاس قوردىڭ (مىندەتتى مەديتسينالىق ساقتاندىرۋ قورى – رەد.) جەتكىزۋشىلەر تىزىلىمىندە تۇرعان بولسا, ول قاجەت قىزمەت الۋ ۇشىن باسقا كلينيكانى تاڭداي الادى. جولداما راسىمدەۋ بارىسىندا تاڭدالعان كلينيكامەن كەلىسىمشارت اقپاراتتىق جۇيەدە اۆتومات تۇردە جاسالادى", – دەلىنگەن حابارلامادا.

پاتسيەنت مەملەكەتتىك كلينيكادا مەديتسينالىق قىزمەت الا الماعان جاعدايدا, مينيسترلىك بالاما نۇسقانى قاراستىرىپ جاتىر.

"ەگەر ناۋقاس مەملەكەتتىك كلينيكادا قىزمەت الماسا, ونى جەكە كلينيكاعا جولداپ, شىعىندى مىندەتتى مەديتسينالىق ساقتاندىرۋ قورى ەسەبىنەن وتەۋ مۇمكىندىگى قاراستىرىلىپ جاتىر".

ەگەر كۇتىپ قالساڭىز نەمەسە جولداما الا الماي جۇرسەڭىز, دەنساۋلىق ساقتاۋ مينيسترلىگى قوردىڭ بايلانىس ورتالىعىنا نەمەسە Qoldau 24/7 موبيلьدى قوسىمشاسى ارقىلى جۇگىنۋدى ۇسىنادى.