Air Astana وزىنىڭ Airbus ۇشاقتارىنداعى باعدارلامالىق جاساقتامانى جاڭارتۋ اياقتالۋعا جاقىن ەكەنىن حابارلادى. الايدا اۋە كومپانيياسىنىڭ مالىمەتىنشە, جاڭارتۋ جۇمىستارى 30 قاراشاعا دەيىن جالعاسپاق, دەپ حابارلايدى Shalqar.kz.

اۋە كومپانيياسىنىڭ رەسمي Telegram ارناسىنداعى اقپاراتقا سايكەس, 2025 جىلعى 28 قاراشادا Airbus وندىرۋشىسى مەن ەۋروپالىق اۆياتسييالىق قاۋىپسىزدىك اگەنتتىگى (EASA) ەكى بورتتىق كومپьيۋتەردە باعدارلامالىق جاساقتامانى وزگەرتۋدى تالاپ ەتەتىن ۇشۋ جارامدىلىعى بويىنشا مىندەتتى ديرەكتيۆا شىعاردى. ديرەكتيۆا بۇكىل الەم بويىنشا مىڭداعان ۇشاقتى قامتيدى.

Air Astana جانە FlyArystan باعدارلامالىق قامتاماسىز ەتۋدى وزگەرتۋ بويىنشا شۇعىل شارالار قابىلدادى. ينجەنەرلىك كوماندا تالاپتارعا سايكەس 20 ۇشاقتاعى باعدارلامالىق جاساقتامانى جاڭارتىپ, تۇنى بويى جۇمىس ىستەدى. بۇل جالپى 7 Air Astana رەيسىنىڭ جانە 7 FlyArystan رەيسىنىڭ ورتاشا ەسەپپەن 4,5 ساعاتقا كىدىرۋىنە اكەلدى.

"بىزدىڭ جەر ۇستى قىزمەتتەرى كەشىكتىرىلگەن رەيستەردىڭ جولاۋشىلارىنا قاجەتتى سەرۆيس ۇسىنادى. كومپانييالار توبى قالعان ۇشاقتارداعى باعدارلامالىق جاساقتامانى تەزىرەك جاڭارتۋ جانە كەستەدەگى ىركىلىستەردى قىسقارتۋ بويىنشا بارلىق شارانى قابىلدايدى. بارلىق جۇمىس 2025 جىلعى 30 قاراشاعا دەيىن اياقتالادى دەپ كۇتىلۋدە.

جولاۋشىلارعا رەيستەردىڭ كەستەسىن اۋە كومپانييالارىنىڭ ۆەب-سايتتارىندا نەمەسە موبيلьدى قوسىمشالارىندا تەكسەرگەنى جون. جولاۋشىلار مەن ۇشۋ قاۋىپسىزدىگى Air Astana-نىڭ باستى باسىمدىعى", - دەلىنگە كومپانييا حابارلاماسىندا.

سول ارادا ازاماتتىق اۆياتسييا كوميتەتى 29 قاراشا ساعات 15:00-دەگى جاعداي بويىنشا 23 اۋە كەمەسىندە باعدارلامالىق قامتاماسىز ەتۋ جاڭارتىلعانىن حابارلادى. قالعان 8 كەمەدە (1 ۇشاق – اقتاۋدا, 3 ۇشاق – استانادا, 4 ۇشاق – الماتىدا) جاڭارتۋ جوسپارلى رەجيمدە جالعاسىپ جاتىر.