Air Astana öziniñ Airbus wşaqtarındağı bağdarlamalıq jasaqtamanı jañartu ayaqtaluğa jaqın ekenin habarladı. Alayda äue kompaniyasınıñ mälimetinşe, jañartu jwmıstarı 30 qaraşağa deyin jalğaspaq, dep habarlaydı Shalqar.kz.

Äue kompaniyasınıñ resmi Telegram arnasındağı aqparatqa säykes, 2025 jılğı 28 qaraşada Airbus öndiruşisi men Europalıq aviaciyalıq qauipsizdik agenttigi (EASA) eki borttıq komp'yuterde bağdarlamalıq jasaqtamanı özgertudi talap etetin wşu jaramdılığı boyınşa mindetti direktiva şığardı. Direktiva bükil älem boyınşa mıñdağan wşaqtı qamtidı.

Air Astana jäne FlyArystan bağdarlamalıq qamtamasız etudi özgertu boyınşa şwğıl şaralar qabıldadı. Injenerlik komanda talaptarğa säykes 20 wşaqtağı bağdarlamalıq jasaqtamanı jañartıp, tüni boyı jwmıs istedi. Bwl jalpı 7 Air Astana reysiniñ jäne 7 FlyArystan reysiniñ ortaşa eseppen 4,5 sağatqa kidiruine äkeldi.

"Bizdiñ jer üsti qızmetteri keşiktirilgen reysterdiñ jolauşılarına qajetti servis wsınadı. Kompaniyalar tobı qalğan wşaqtardağı bağdarlamalıq jasaqtamanı tezirek jañartu jäne kestedegi irkilisterdi qısqartu boyınşa barlıq şaranı qabıldaydı. Barlıq jwmıs 2025 jılğı 30 qaraşağa deyin ayaqtaladı dep kütilude.

Jolauşılarğa reysterdiñ kestesin äue kompaniyalarınıñ veb-sayttarında nemese mobil'di qosımşalarında teksergeni jön. Jolauşılar men wşu qauipsizdigi Air Astana-nıñ bastı basımdığı", - delinge kompaniya habarlamasında.

Sol arada Azamattıq aviaciya komiteti 29 qaraşa sağat 15:00-degi jağday boyınşa 23 äue kemesinde bağdarlamalıq qamtamasız etu jañartılğanın habarladı. Qalğan 8 kemede (1 wşaq – Aqtauda, 3 wşaq – Astanada, 4 wşaq – Almatıda) jañartu josparlı rejimde jalğasıp jatır.