2026 جىلعى 1 قاڭتاردان باستاپ قازاقستاندا جاڭا سالىق كودەكسى قولدانىسقا ەنەدى. وسىعان بايلانىستى مەملەكەتتىك كىرىستەر دەپارتامەنتى تاكسي جۇرگىزۋشىلەرى مەن كۋرьەرلەر ۇشىن ماڭىزدى حابارلاندىرۋ جاسادى, دەپ حابارلايدى Shalqar.kz.

دەپارتامەنت 2025 جىلعى 18 شىلدەدە ەلىمىزدە جاڭا سالىق كودەكسى بەكىتىلگەنىن ەسكە سالدى. ونداعى نەگىزگى جاڭالىقتاردىڭ بىرى – ارناۋلى سالىق رەجيمدەرىنىڭ سانى جەتىدەن ۇشكە دەيىن قىسقارتىلۋى. ياعني, وزىن-وزى جۇمىسپەن قامتىعاندارعا, وڭايلاتىلعان دەكلاراتسييا بويىنشا جانە شارۋا نەمەسە فەرمەر قوجالىقتارىنا ارنالعان رەجيمدەر عانا ساقتالدى.

وسى ورايدا الماتى قالاسى بويىنشا مەملەكەتتىك كىرىستەر دەپارتامەنتى سالىق تولەۋشىلەرگە, اسىرەسە وزىنە قولايلى رەجيمدە جۇمىسىن جالعاستىرعىسى كەلەتىندەرگە, وتپەلى ەرەجەلەردى قاتاڭ ساقتاۋدىڭ ماڭىزدى ەكەنىن ەسكەرتەدى.

"تاكسي جۇرگىزۋشىلەرى, كۋرьەرلەر جانە وسىعان ۇقساس قىزمەت كورسەتەتىن تۇلعالار كەلەسى اقپاراتقا نازار اۋدارۋى قاجەت. ەگەر بۇعان دەيىن پاتەنتتە نەمەسە ارنايى موبيلьدىك قوسىمشا ارقىلى جۇمىس ىستەگەن جەكە كاسىپكەرلەر 2026 جىلعى 1 ناۋرىزعا دەيىن "جاڭا" وڭايلاتىلعان دەكلاراتسييا رەجيمىنە كوشۋ تۋرالى حابارلاما بەرمەسە, ولار اۆتوماتتى تۇردە جەكە كاسىپكەر رەتىندە تىركەۋدەن شىعارىلادى جانە ەگەر رەجيم تالاپتارىنا سايكەس كەلسە, قىزمەتىن وزىن-وزى جۇمىسپەن قامتىعاندار رەتىندە جالعاستىرا الادى", - دەلىنگەن حابارلامادا.

سونداي-اق دەپارتامەنت وڭايلاتىلعان دەكلاراتسييا نەمەسە بولشەك سالىق رەجيمى بويىنشا جۇمىس ىستەيتىن سالىق تولەۋشىلەر ۇشىن ماڭىزدى اقپارات جارييالادى.

"2026 جىلعى 1 قاڭتارعا دەيىن ارنايى سالىق رەجيمدەرىن قولدانعان جانە "جاڭا" وڭايلاتىلعان دەكلاراتسييا رەجيمىنە وتۋدى جوسپارلاعان سالىق تولەۋشىلەر, كوشۋ تۋرالى حابارلامانى 2026 جىلعى 1 ناۋرىزدان كەشىكتىرمەي تاپسىرۋى تيىس, ايتپەسە ولار جالپىعا بىردەي بەلگىلەنگەن سالىق سالۋ رەجيمىنە اۋىستىرىلادى جانە وڭايلاتىلعان دەكلاراتسيياعا تەك بىر جىل جۇمىس ىستەگەننەن كەيىن عانا وتە الادى", - دەلىنگەن حابارلامادا.

الماتى قالاسى بويىنشا مەملەكەتتىك كىرىستەر دەپارتامەنتى سالىق تولەۋشىلەردى جاڭا سالىق كودەكسىنىڭ نورمالارىمەن الدىن الا تانىسىپ, قالاعان سالىق سالۋ رەجيمىندە قالۋ ۇشىن قاجەتتى حابارلامالاردى ۋاقىتىلى تاپسىرۋعا شاقىرادى.