2025 jıldıñ soñğı ayı qazaqstandıqtarğa 9 demalıs künin sıylaydı. Senbi-jeksenbi künderinen bölek seysenbide Täuelsizdik künine oray tağı bir kün demalamız. Al 30 jäne 31 jeltoqsan jwmıs künderi bolıp qala beredi. Endeşe, qıstıñ alğaşqı ayı qazaqstandıqtar üşin tağı qanday jañalıqtar men özgerister äkelmek? Shalqar.kz tilşisi jeltoqsanda kütetin mañızdı aqparattardı toptastırdı.

Endi qazaqstandıqtar avtolizing räsimdey aladı.

1 jeltoqsannan bastap Qazaqstan azamattarı üşin avtolizingter qoljetimdi boladı. Bwğan deyin lizingti negizinen tek kompaniyalar paydalana alatın. Endi qarapayım azamattar da jeñil avtokölikti lizingke räsimdep, keyin onı tolıq satıp aluğa nemese kölikti kompaniyağa qayta ötkizuge mümkindik aladı.

Mäjilis deputatı, Respublica partiyasınıñ ökili Oljas Qwsbekovtıñ aytuınşa, bwl bastama QR Prezidenti Qasım-Jomart Toqaevtıñ halıqtıñ äleumettik jüktemesin azaytu jönindegi tapsırması ayasında iske asırılıp otır. Deputattıñ sözinşe, avtolizing bağdarlaması bwrın jeñildetilgen avtonesie ala almağan azamattarğa bağıttalğan.

"Bizdiñ mindet – lizingtiñ jay ğana basqa şarttarmen beriletin avtokreditke aynalıp ketpeuin qadağalau. Ol şınımen de halıqqa ıñğaylı, ikemdi qarjı qwralı boluğa tiis", – dedi Qwsbekov.

Jaña äue reysteri men loukosterler payda boladı.

Jeltoqsannan bastap Qazaqstannıñ äue narığında Taylandtıñ jaña loukosteri – Thai AirAsia X jwmısın bastaydı. Äue kompaniyası Bangkok – Almatı bağıtı boyınşa tikeley twraqtı reysterdi aptasına tört ret orındaydı: düysenbi, särsenbi, beysenbi jäne jeksenbi künderi.

Azamattıq aviaciya komitetiniñ mälimetinşe, wşu geografiyasın keñeytu jäne halıqaralıq reyster sanın arttıru bağıtındağı jwmıs jalğasıp jatır.

Sonımen qatar, 18 jeltoqsannan bastap Belarus'tiñ «Belavia» äue kompaniyası Minsk – Almatı bağıtındağı reysterin qayta jañğırtadı. Bwl turalı kompaniyanıñ bas direktorı Igor' Çerginec habarladı. Bwğan deyin bwl reys orındalğan, swranısta jii bolğan, biraq keyinirek toqtatılğan edi.

Almatıdan Taşkentke Talgo poyızımen baruğa boladı.

14 jeltoqsannan bastap «Jolauşılar tasımalı» AQ Almatı – Taşkent bağıtı boyınşa kündelikti jüretin Talgo poyızın iske qosadı. Marşrutta jaylılıq deñgeyi joğarı Talgo qwramdarı paydalanılmaq. Kün sayın jüru kestesi jolauşılarğa saparların aldın ala ıñğaylı josparlauğa mümkindik beredi.

Jolda jüru uaqıtı – 17 sağat 38 minut.

Şamamen bilet bağaları:

otıratın vagondar – 10 167 teñgeden,

kupe – 20 711 teñge,

lyuks – 30 772 teñge.

Biletterdi bilet.railways.kz resmi saytınan nemese temirjol vokzaldarınıñ kassalarınan satıp aluğa boladı.

Oquşılar qısqı kanikulğa şığadı.

Qazaqstandağı 1–11 sınıp oquşıları qısqı demalısqa 29 jeltoqsannan 7 qañtarğa deyin şığadı. 8 qañtarda olar üşinşi toqsandağı sabaqtarına qayta oraladı.

Qosımşa demalıs birinşi sınıp oquşılarına qarastırılğan: olar üşin 9–15 aqpan aralığında qosımşa tağı bir apta qısqı kanikul boladı.

Al köktemde barlıq oquşı 19–29 naurız aralığında demaladı.

Almatılıq "Qayrat" "Olimpiakosqa" qarsı oynaydı.

Seysenbi, 9 jeltoqsanda almatılıq "Qayrat" klubı UEFA Çempiondar ligasınıñ jalpı kezeñindegi öz alañındağı matçin grektiñ "Olimpiakos" komandasına qarsı ötkizedi.

Alayda aua rayınıñ kürdeli jağdayına baylanıstı bwl kezdesu, sonday-aq bel'giyalıq "Bryugge" klubına qarsı matçi de Almatıda emes, "Astana Arenada" ötedi. Mwnday şeşim UEFA-men birlesip qabıldanğan.

Oyınnıñ bastaluı – Astana uaqıtımen keşki 20:30 dep belgilenip otır. 

Elena Rıbakina Ündistandağı turnirge qatısadı.

Qazaqstandıq tennisşi Elena Rıbakina Ündistannıñ Bangalor qalasında ötetin World Tennis League körme turnirine qatısadı. Jarıs 17–20 jeltoqsan aralığında ötedi.

Äyelder arasında Ispaniyadan Paula Badosa, Ukrainadan Marta Kostyuk, Pol'şa tennisşisi Magda Linett jäne birqatar ündi sportşılarınıñ da qatısatını habarlanğan.

Jaña kompaniyalarğa arnalğan elektr energiyası tarifteri küşine enedi

1 jeltoqsannan bastap Qazaqstanda elektr energiyasına arnalğan jañartılğan şekti tarifter küşine enedi. Energetika ministrligi qoldanıstağı bwyrıqqa özgerister engizip, öndiruşiler tizimine üş jaña kompaniyanı qostı:

«Sintra Energy» JŞS,

«KAZ GREEN ENERGY» JŞS,

«Aktobe Energy Gaz» JŞS.

Bwl stanciyalar üşin aldağı jılğa josparlanğan elektr energiyasın öndiru şığındarı negizinde şekti tarifter belgilenedi.

Vedomstvonıñ mälimetinşe, narıqqa jaña kompaniyanıñ kelui birtwtas satıp aluşı üşin elektr energiyasınıñ ortaşa bağasına äser etpeydi. Sebebi bwl kompaniyalardıñ generaciya kölemi salıstırmalı türde az boladı, sondıqtan jalpı satıp alu qwnına aytarlıqtay ıqpal etpeydi.

Dollar jeltoqsanda qayta qımbattauı mümkin.

Köptegen qarjı sarapşıları jıldıñ ayağına qaray, Jaña jıl qarsañında, teñge säl älsirep, dollardıñ poziciyası qayta küşeyui mümkin degen pikirde ekenderin jetkizdi.

Mäselen, qarjıger jäne bwrınğı bankir Swltan Elemesov jıldıñ ayağına taman dollar bağamı 540-qa deyin köteriledi dep boljadı: 

"Qaraşa ayında teñgeniñ nığayuı jalpı kütken närse edi. Köptegen analitikter mwnı boljağan edi. Al jıl ayağında ne boladı? Mısalı, Halyk Finance, qatelespesem jıldıñ ayağında dollarğa 550–560 teñge dep boljam aytıp edi. Öz basım onday qattı pessimist emespin. Meniñ oyımşa, jıl ayağına 535–540 teñge aralığındağı bağamdı köremiz", – deydi sarapşı.

YAğni sarapşılar teñge üşin asa kürdeli scenariy boljamasa da, dollardıñ belgili bir deñgeyde qımbattau ıqtimaldığın joqqa şığarmaydı.