تايلاند استاناسى بانگكوكتا شاحماتتان 27-شى جاسوسپىرىمدەر اراسىنداعى ازييا چەمپيوناتى اياقتالدى, دەپ حابارلايدى Shalqar.kz “قازاقستاننىڭ شاحمات فەدەراتسيياسىنا” سىلتەمە جاساپ.

باعدارلامانىڭ ۇش تۇرى — كلاسسيكا, راپيد جانە بليتس بويىنشا جاس قازاقستاندىقتار 11 مەدالь جەڭىپ الدى, ونىڭ بەسەۋى التىن. ميلانا فيليپپوۆا (G10) جانە مارييا حولياۆكو (G14) — كلاسسيكادا, امىرجان انەتوۆ (O10) — راپيدتە, الىشەر ابدىساتتار (O14) جانە اسييا اسىلحان (G16) — بليتستە ازييا-2025 چەمپيوندارى اتاندى. 

2025 جىلعى 21–29 قاراشا ارالىعىندا تايلاند استاناسى بانگكوكتا 33 ەل مەن اۋماقتان كەلگەن شامامەن 700 قاتىسۋشىنىڭ باسىن قوسقان شاحماتتان 27-شى جاسوسپىرىمدەر اراسىنداعى ازييا چەمپيوناتى وتتى.

— العاشقى كۇنى 15+5 ۋاقىت باقىلاۋىمەن 7 تۋرلىق «شۆەيتسار» جۇيەسىندە وتكەن راپيدتە جۇلدەلەر ساراپقا سالىندى (O10 ساناتىندا ازييا چەمپيونى امىرجان انەتوۆ اتاندى, قولا مەدالь ونىڭ قۇرداسى اليحان نازاربەككە بۇيىردى). وسىدان كەيىن جاس شاحماتشىلار باعدارلامانىڭ ەكىنشى بولىگى — 90+30 ۋاقىت باقىلاۋىمەن وتەتىن 9 تۋرلىق كلاسسيكاعا كوشتى. مۇندا قازاقستاندىقتار 5 مەدالь جەڭىپ الدى. ازييا چەمپيوندارى — ميلانا فيليپپوۆا (G10) جانە مارييا حولياۆكو (G14), ال قولا مەدالь يەگەرلەرى — ريزات ۇلان (O10), ادييا جەڭىس (G12) جانە ياسمينا الەمانوۆا (G16), — دەلىنگەن حابارلامادا.

كلاسسيكانىڭ سوڭعى تۋرى اياقتالا سالىسىمەن, باعدارلامانىڭ ۇشىنشى تۇرى — 3+2 ۋاقىت باقىلاۋىمەن وتەتىن بليتستىڭ 9 تۋرى باستالدى. بىرەۋلەر ۇشىن بۇل وز امبەباپتىعىن تاعى بىر مارتە دالەلدەۋ مۇمكىندىگى بولسا, ەندى بىرەۋ ۇشىن الدىڭعى كەزەڭدەردەگى ساتسىزدىكتەردى تۇزەتۋگە ارنالعان سوڭعى مۇمكىندىك بولدى.

قازاقستاندىق جەڭىمپازدار مەن جۇلدەگەرلەر بارلىعى وسى مۇمكىندىكتى تولىق پايدالاندى. ازييا چەمپيوندارى اتانعاندار — استانالىق الىشەر ابدىساتتار (O14) جانە تۇركىستان وبلىسىنان اسييا اسىلحان (G16), كۇمىس مەدالьدى پاۆلودارلىق اسمان بايانتاس (O18) جەڭىپ الدى, ال قولا مەدالь استانالىق الىمجان جاۋىنبايعا (O12) بۇيىردى.

ايتا كەتەلىك مەملەكەت باسشىسى الەم بىرىنشىلىكتەرىندە توپ جارعان جاس شاحماتشىلارمەن كەزدەسكەن ەدى.