Tailand astanası Bangkokta şahmattan 27-şi jasöspirimder arasındağı Aziya çempionatı ayaqtaldı, dep habarlaydı Shalqar.kz “Qazaqstannıñ şahmat federaciyasına” silteme jasap.

Bağdarlamanıñ üş türi — klassika, rapid jäne blic boyınşa jas qazaqstandıqtar 11 medal' jeñip aldı, onıñ beseui altın. Milana Filippova (G10) jäne Mariya Holyavko (G14) — klassikada, Ämirjan Änetov (O10) — rapidte, Älişer Äbdisattar (O14) jäne Äsiya Asılhan (G16) — blicte Aziya-2025 çempiondarı atandı. 

2025 jılğı 21–29 qaraşa aralığında Tailand astanası Bangkokta 33 el men aumaqtan kelgen şamamen 700 qatısuşınıñ basın qosqan şahmattan 27-şi jasöspirimder arasındağı Aziya çempionatı ötti.

— Alğaşqı küni 15+5 uaqıt baqılauımen 7 turlıq «şveycar» jüyesinde ötken rapidte jüldeler sarapqa salındı (O10 sanatında Aziya çempionı Ämirjan Änetov atandı, qola medal' onıñ qwrdası Alihan Nazarbekke bwyırdı). Osıdan keyin jas şahmatşılar bağdarlamanıñ ekinşi böligi — 90+30 uaqıt baqılauımen ötetin 9 turlıq klassikağa köşti. Mwnda qazaqstandıqtar 5 medal' jeñip aldı. Aziya çempiondarı — Milana Filippova (G10) jäne Mariya Holyavko (G14), al qola medal' iegerleri — Rizat Wlan (O10), Ädiya Jeñis (G12) jäne YAsmina Alemanova (G16), — delingen habarlamada.

Klassikanıñ soñğı turı ayaqtala salısımen, bağdarlamanıñ üşinşi türi — 3+2 uaqıt baqılauımen ötetin blictiñ 9 turı bastaldı. Bireuler üşin bwl öz ämbebaptığın tağı bir märte däleldeu mümkindigi bolsa, endi bireu üşin aldıñğı kezeñderdegi sätsizdikterdi tüzetuge arnalğan soñğı mümkindik boldı.

Qazaqstandıq jeñimpazdar men jüldegerler barlığı osı mümkindikti tolıq paydalandı. Aziya çempiondarı atanğandar — astanalıq Älişer Äbdisattar (O14) jäne Türkistan oblısınan Äsiya Asılhan (G16), kümis medal'dı pavlodarlıq Asman Bayantas (O18) jeñip aldı, al qola medal' astanalıq Älimjan Jauınbayğa (O12) bwyırdı.

Ayta ketelik Memleket basşısı älem birinşilikterinde top jarğan jas şahmatşılarmen kezdesken edi.