جەلتوقسان كوشەسىندە BRT (Bus Rapid Transit) جەلىسىنىڭ ىسكە قوسىلۋىنا بايلانىستى قوزعالىستى ۇيىمداستىرۋدىڭ جاڭا سىزباسى ەنگىزىلەدى, دەپ حابارلايدى Shalqar.kz الماتى اكىمدىگىنە سىلتەمە جاساپ.

الماتى اكىمدىگىنىڭ مالىمەتىنشە, ۇزىندىعى 4,6 شاقىرىم بولاتىن جاڭا جەلى تيميريازەۆ كوشەسىندەگى قولدانىستاعى BRT ۋچاسكەسى مەن رايىمبەك باتىر داڭعىلى بويىندا سالىنىپ جاتقان اۋماقتى جالعاپ, وڭتۇستىكتەن سولتۇستىككە قاراي ۇزدىكسىز جىلدام اۆتوبۋس قاتىناسىن قامتاماسىز ەتەدى.

— جۇرگىزۋشىلەر جول ەرەجەلەرىن قاتاڭ ساقتاپ, جولداعى تاڭبالار مەن بەلگىلەرگە مۇقييات نازار اۋدارۋى قاجەت. بۇل اۋماقتا قۇقىقبۇزۋشىلىقتى باقىلاۋعا الاتىن فوتو جانە بەينە تىركەۋ جۇيەلەرى دە جۇمىس ىستەيدى, — دەلىنگەن حابارلامادا.

جوبا اياسىندا ارنايى جولاقتار جول بويىنىڭ شەتىندە ورنالاستىرىلعان. مۇنداي شەشىم تۇراقتا تۇرعان كولىكتەر مەن كەپتەلىستەن بولاتىن قولايسىزدىقتاردى ازايتۋعا مۇمكىندىك بەرەدى. سولتۇستىك باعىتقا قوزعالعاندا بولىنگەن جولاق كوشەنىڭ وڭ جاعىندا, ال كەرى باعىتتا سول جاعىندا سىزىلعان. جەكە اۆتوكولىكتەر ۇشىن اباي داڭعىلىنان سولتۇستىككە قاراي بۇرىنعىداي بىرجاقتى قوزعالىس تارتىبى جانە جولاق سانى ساقتالادى.

جاڭا باعىتتار بويىنشا اۆتوبۋستار 14 جەلتوقساننان باستاپ ەكى باعىتتا دا قاتىناي باستايدى. العاشقى كەزەڭدە № 92 جانە № 59 مارشرۋتتارىن ىسكە قوسۋ جوسپارلانىپ وتىر.

— مارشرۋتتاردىڭ ناقتى سىزباسى مەن قوزعالىس كەستەسى كەيىنىرەك جارييالانادى. ايتا كەتەرلىگى, جوبا اياسىندا بارلىق جولاۋشىعا قولايلى بولۋى ۇشىن ارنايى كوتەرىڭكى پلاتفورماسى بار زاماناۋي ايالداما كەشەندەرى ورناتىلدى. سونىمەن قاتار ەكى قابات اسفالьت توسەلىپ, باعدارشامدار, جول بەلگىلەرى, جارىقتاندىرۋ جۇيەسى جاڭارتىلىپ, تروتۋار پليتكالارى ارقىلى جۇرگىنشىلەر ايماعى كورىكتەندىرىلدى, — دەپ حابارلادى الماتى اكىمدىگى.