Қазақстанда смартфондарды тіркеудің жаңа жүйесі енгізіледі. Енді елге әкелінген құрылғылардың IMEI-коды тексеріліп, арнайы тізімдерге бөлінеді, деп хабарлайды Shalqar.kz.

  Қалай жұмыс істейді?
Цифрлық даму министрлігінің мәліметінше, смартфондар үш санатқа жіктеледі:

 «Ақ тізім» – құрылғы ресми түрде сатып алынған, ешқандай күмән туындамайды.
 «Сұр тізім» – IMEI-коды қайталанған немесе сатып алу заңдылығына қатысты сұрақтар бар. Телефон иесіне 30 күн беріледі, осы уақыт ішінде құрылғының заңды екенін дәлелдеу керек.
 «Қара тізім» – телефон ұрланған немесе жалған. Мұндай смартфондарға мобильді желі қолжетімсіз болады.

Бұл шара заңсыз телефондардың таралуына тосқауыл қою үшін енгізіліп отыр. Егер жаңа смартфон сатып алсаңыз, оның IMEI-кодын алдын ала тексеріп алған жөн.