Şımkent qalalıq perinataldıq ortalığınıñ därigerleri jüktiliktiñ 26 aptasında düniege kelgen, salmağı nebäri 705 gramm säbidiñ ömirin aman saqtap qaldı, dep habarlaydı Shalqar.kz.

Därigerlerdiñ aytuınşa, anası auır preeklampsiyadan zardap şekkendikten, jüktilik merziminen bwrın ayaqtalğan. 

Öte az salmaqpen tuğan säbidiñ alğaşqı 56 küni jansaqtau böliminde därigerlerdiñ jiti baqılauında boldı. Aq jeleñdiler 75 kün boyı balanıñ ömiri üşin küresip, zamanaui medicinalıq tehnologiyalar men därilik preparattardı qoldandı. Qazirgi tañda Mwhammad-Mustafa esimdi säbi 2350 gramm salmaqpen üyine şığarıldı. Ol otbasındağı ekinşi bala.

– Az salmaqpen tuğan balalardıñ ömirin saqtau üşin ana men därigerler qanşama wyqısız tünderdi ötkizedi. Biz üşin ärbir balanıñ aman qaluı – ülken jeñis. Şala jäne öte az salmaqpen tuğan balalardı emdeude joğarı tehnologiyalıq jabdıqtar men zamanaui däri-därmekter qoldanıladı. Barlıq medicinalıq kömek MÄMS jüyesi arqılı körsetiledi, – dedi qalalıq perinataldıq ortalıqtıñ däriger-neonatologı Sapargül Qojabaeva.

Jıl basınan beri ortalıqta 38 şaqalaq öte tömen salmaqpen düniege kelgen. Mwnday säbilerdiñ ömirin saqtau tek käsibi biliktilik pen zamanaui medicinalıq qwraldardıñ arqasında ğana mümkin.