باتىس قازاقستان وبلىسىندا قۇرمانعازى اتىنداعى قازاق ۇلتتىق حالىق اسپاپتارى وركەسترىنىڭ گاسترولьدىك تۋرى باستالدى, دەپ حابارلايدى Shalqar.kz “مادەنيەت جانە اقپارات مينيسترلىگىنىڭ” تەلەگرامم كانالىنا سىلتەمە جاساپ. باعدارلامانىڭ اشىلۋى ورال قالاسىندا وتتى.

«اتامەكەن» ونەر ورتالىعىنىڭ ساحناسىندا كورەرمەندەرگە «ۇلتتىق وركەستر ورالدا» اتتى كونتسەرتتىك باعدارلاما ۇسىنىلدى. ەكى بولىمنەن تۇراتىن كونتسەرتتە ۇلتتىق مۋزىكا ونەرىنىڭ التىن قورىنان تاڭداۋلى تۋىندىلار جانە الەم كلاسسيكاسىنىڭ بەلگىلى شىعارمالارى ورىندالدى.

ىس-شارانىڭ ماقساتى – ۇلتتىق مادەنيەتتى وڭىرلەردە كەڭىنەن ناسيحاتتاپ, حالىقپەن شىعارماشىلىق بايلانىستى نىعايتۋ. ساحنادا قازاقستاننىڭ ەڭبەك سىڭىرگەن قايراتكەرلەرى, ا. جۇبانوۆ اتىنداعى دارىندى بالالارعا ارنالعان مەكتەپ ينتەرناتىنىڭ ۆيولونچەليستەر انسامبلى, قۇرمانعازى اتىنداعى ساز كوللەدجىنىڭ ستۋدەنتتەر حورى جانە «اتامەكەن» كامەرالىق حورى ونەر كورسەتتى.

گاسترولьدىك تۋر اياسىندا قۇرمانعازى اتىنداعى ساز كوللەدجىنىڭ ستۋدەنتتەرى ۇشىن شەبەرلىك ساعاتى ۇيىمداستىرىلدى. جاس ورىنداۋشىلار دومبىرا, قوبىز, بايان جانە دومرا پريما بويىنشا ەلىمىزدىڭ جەتەكشى مۋزىكانتتارىنان ساباق الىپ, ورىنداۋشىلىق تەحنيكا مەن ينتەرپرەتاتسيياعا قاتىستى كاسىبي كەڭەستەر تىڭدادى.

قۇرمانعازى اتىنداعى وركەستردىڭ گاسترولьدىك تۋرى 3-4 جەلتوقسان كۇندەرى بوكەي ورداسى, قازتالوۆ جانە جاڭاقالا اۋداندارىندا جالعاسادى.