Batıs Qazaqstan oblısında Qwrmanğazı atındağı Qazaq wlttıq halıq aspaptarı orkestriniñ gastrol'dik turı bastaldı, dep habarlaydı Shalqar.kz “Mädeniet jäne aqparat ministrliginiñ” telegramm kanalına silteme jasap. Bağdarlamanıñ aşıluı Oral qalasında ötti.

«Atameken» öner ortalığınıñ sahnasında körermenderge «Wlttıq orkestr Oralda» attı koncerttik bağdarlama wsınıldı. Eki bölimnen twratın koncertte wlttıq muzıka öneriniñ altın qorınan tañdaulı tuındılar jäne älem klassikasınıñ belgili şığarmaları orındaldı.

İs-şaranıñ maqsatı – wlttıq mädenietti öñirlerde keñinen nasihattap, halıqpen şığarmaşılıq baylanıstı nığaytu. Sahnada Qazaqstannıñ eñbek siñirgen qayratkerleri, A. Jwbanov atındağı darındı balalarğa arnalğan mektep internatınıñ violonçelister ansambli, Qwrmanğazı atındağı saz kolledjiniñ studentter horı jäne «Atameken» kameralıq horı öner körsetti.

Gastrol'dik tur ayasında Qwrmanğazı atındağı saz kolledjiniñ studentteri üşin şeberlik sağatı wyımdastırıldı. Jas orındauşılar dombıra, qobız, bayan jäne domra prima boyınşa elimizdiñ jetekşi muzıkanttarınan sabaq alıp, orındauşılıq tehnika men interpretaciyağa qatıstı käsibi keñester tıñdadı.

Qwrmanğazı atındağı orkestrdiñ gastrol'dik turı 3-4 jeltoqsan künderi Bökey ordası, Qaztalov jäne Jañaqala audandarında jalğasadı.