2024 جىلدىڭ قورىتىندىسى بويىنشا, قازاقستاندا ەلەكتروندىق ساۋدا كولەمى شامامەن 3,2 ترلن تەڭگەگە جەتىپ, بولشەك ساۋدانىڭ 14,1%-ىن قۇرادى, دەپ حابارلايدى Shalqar.kz. جىل سوڭىنا دەيىن 15 پايىزعا دەيىن جەتەدى دەگەن بولجام بار. بۇل كورسەتكىش سوڭعى تورت جىلدا 5 ەسە ارتقان. مۇنداي ناتيجەگە جەتۋگە تسيفرلىق قولجەتىمدىلىك, فينتەح سالانىڭ دامۋى, 8 ميلليوننان استام جاس ارى بەلسەندى قولدانۋشىلاردىڭ بولۋى مۇمكىندىك بەرىپ وتىر. ايتا كەتۋ كەرەك, ەلەكتروندىق كوممەرتسييا – بۇگىندە بۇكىل الەمدە ەڭ قارقىندى دامىپ جاتقان سالالاردىڭ بىرى. بىلتىر ونىڭ جاھاندىق نارىقتاعى كولەمى 6,3 ترلن اقش دوللارىنا باعالانعان. سوندىقتان قازاقستان ۇكىمەتى الداعى جىلدارى ەلەكتروندىق ساۋدانىڭ بولشەك ساۋداداعى ۇلەسىن تاعى 4 پايىزعا ۇلعايتۋدى كوزدەپ وتىر.

ايگۇل ورازاەۆا, ساۋدا جانە ينتەگراتسييا مينيسترلىگى ىشكى ساۋدا باسقارماسىنىڭ باسشىسى:

ارينە بىزدە مۇمكىندىك بار. العا قويعان مىندەتتەرىمىز بار. مينيسترلىكتىڭ الدىندا 2029 جىلعا دەيىن ەلەكتروندى ساۋدا ۇلەسىن 18,5 پايىزعا جەتكىزۋ تۇر. ول باعىتتا بىز ار سالادا بىرقاتار جۇمىستاردى اتقارىپ جاتىرمىز. سول سەبەپتى بىز مۇنى 18,5 پايىزعا جەتكىزەمىز دەگەن ۇمىتتەمىز.