Qorğanıs ministrligi 2025 jılğı 4 jeltoqsanda Qazaqstanda tärtiptiñ mazmwnın aytarlıqtay özgertetin jäne Qarulı küşterdiñ oquşılardı qızmetke dayarlauğa qatısuın nığaytatın alğaşqı äskeri dayındıqtıñ jañartılğan qağidaları bekitilgenin eske saldı, dep habarlaydı Shalqar.kz.

Qorğanıs ministri bwyrıqqa 4 qaraşada qol qoydı.

"Qwjattı Bas ştabtıñ Wyımdastıru-jwmıldıru jwmısı departamenti äskeri qızmet jäne äskeri-patriottıq tärbie turalı zañnamağa engizilgen tüzetulerdi eskere otırıp äzirledi. Erejeler mektepterde, kolledjderde jäne käsiptik bilim beru mekemelerinde alğaşqı äskeri dayındıqtı wyımdastıru men oqıtudıñ birıñğay täsilderin belgileydi, pedagogterge qoyılatın talaptardı naqtılap, kurstıñ praktikalıq qwramdas böligin keñeytedi",- delingen aqparatta.

Negizgi özgeristerdiñ biri "alğaşqı äskeri dayındıq" tarihi atauınıñ pänge qayta oraluı boldı. Bağdarlama äskeri qızmetşilerdiñ qwqıqtarı, mindetteri men äleumettik kepildikteri turalı praktikalıq elementterdi, oqu-dalalıq sabaqtardı köbeytu jäne tüsindiru jwmıstarın keñeytu esebinen küşeytiledi.

Qazaqstan Respublikası Qorğanıs ministriniñ keñesşisi Aygül Tölembaeva jañartular bolaşaq äskerge şaqırıluşılardı dayarlau sapasın arttıruğa bağıttalğanın atap ötti.

"Biz pändi onıñ naqtı mazmwnına say etemiz. Bwl azamattardı armiyağa dayındaudıñ birinşi kezeñi. Balalar äskeri qızmetşiniñ jarğısın, mindetterin, qızmetten keyingi qwqıqtarı men kepildikterin tüsinui kerek. Bügingi äsker – bwl naqtı mamandıq pen bilim aludıñ mümkindigi. Mektep oquşılarınıñ bwl jaylı aldın ala bilgenin qalaymız", – dedi ol.

Oqıtuşılarğa qoyılatın talaptar aytarlıqtay özgeredi. AÄD-nı mamandığı boyınşa pedagogikalıq bilimi jäne äskeri qızmet ötkeru täjiribesi bar azamattar ğana jürgize aladı. Pän boyınşa jwmıs isteytin mwğalimder öz lauazımdarın saqtaydı. Keminde on jıl eñbek siñirgen äskeri qızmetşiler üşin Qorğanıs ministrliginiñ äskeri oqu orındarınıñ bazasında tegin pedagogikalıq qayta dayarlau mümkindigi engiziledi.

Bwl şeşimniñ kadrlıq bazanı nığaytıp, oquşılardıñ pänge degen senimin arttıratının aytaqan Ministrdiñ keñesşisi:

"Oquşılar äskerde qızmet etken adamdı körui kerek. Bwl qorqınış pen senimsizdikti boldırmaydı, äri armiyanıñ qalay jwmıs isteytinin tüsindiruge mümkindik beredi", – dedi.

Jañartılğan erejeler äskeri bölimderdiñ rölin keñeytedi: oqu-dalalıq jiındardıñ praktikalıq qwramdas böligi küşeytiledi, bölimşe komandirleri jekelegen sabaqtarğa qatısıp, dalalıq bazanı körsetedi. AÄD oqıtuşılarınıñ biliktiligin arttıru bwdan bılay äskeri joğarı oqu orındarınıñ, kafedralardıñ jäne Qorğanıs ministrliginiñ vedomstvolıq bağınıstı wyımdarınıñ bazasında ğana jürgiziledi. Bwl özekti äskeri täjiribege qol jetkizuge ıqpal etedi.