«روسكاچەستۆو» ساپا مەن قاۋىپسىزدىك تالاپتارىنا سايكەس تەكسەرۋ جۇرگىزگەننەن كەيىن Labubu ويىنشىعىندا ۋلى زاتتىڭ شەكتەن اسىپ كەتكەنىن انىقتادى. 13 ۇلگىنىڭ بىرىندە توكسيكالىق زاتتىڭ نورمادان جوعارى مولشەرى تىركەلگەنى تۋرالى ۇيىمنىڭ حابارلاماسىندا ايتىلعان, دەپ حابارلايدى Shalqar.kz.

ونىم 53 ساپا جانە قاۋىپسىزدىك كورسەتكىشى بويىنشا زەرتتەلدى: توكسيكتىك يندەكس ولشەندى, ماركيروۆكا, ماتا مەن تىگىس ساپاسى تەكسەرىلدى, سونداي-اق گيگيەنالىق قاۋىپسىزدىككە, ونىڭ ىشىندە توكسيكولوگييالىق كورسەتكىشتەرگە بايلانىستى ۇش توپ تەست جۇرگىزىلدى.

تەكسەرۋ بارىسىندا ماماندار بىر ويىنشىقتان رۇقسات ەتىلگەن نورمادان جوعارى (نورما — 2 مگ/ليتر, انىقتالعانى — 2,9 مگ/ليتر) مولشەردە ديوكتيلفتالات — دەنساۋلىققا قاۋىپتى توكسيكالىق زات تاپتى.

ديوكتيلفتالات قانشالىقتى زيياندى?

بۇل زاتتىڭ باستى قاۋىپتىلىگى — رەپرودۋكتيۆتىك جۇيەگە جانە دامۋعا ۋىتتى اسەر ەتۋى. ول گورمونالدى جۇيەنىڭ جۇمىسىن بۇزادى: ايەل جىنىس گورموندارىنىڭ (ەستروگەندەردىڭ) ارەكەتىن يميتاتسييالايدى نەمەسە بۇعاتتايدى. بۇل اسىرەسە بالالار مەن جۇكتى ايەلدەر ۇشىن قاۋىپتى. ەر بالالار ۇشىن بۇل زاتپەن جيى بايلانىستا بولۋ رەپرودۋكتيۆتىك ورگانداردىڭ دامۋىنا كەرى اسەر ەتۋى جانە بولاشاقتا ۇرىق ساپاسىنىڭ تومەندەۋ قاۋپىن تۋدىرۋى مۇمكىن.

سونىمەن قاتار, ديوكتيلفتالات مىنەز-قۇلىق پەن نەۆرولوگييالىق ماسەلەلەرگە (مىسالى, سدۆگ دامۋىنا) ىقپال ەتۋى مۇمكىن.

ۇزاق ۋاقىت اسەر ەتكەن جاعدايدا باۋىر مەن بۇيرەككە ۋىتتى اسەرىن تيگىزەدى. سونداي-اق اللەرگييا مەن تەرى تىتىركەنۋىن شاقىرۋى مۇمكىن.

بۇعان دەيىن اۆسترالييا مەن وڭتۇستىك كورەيا Labubu ويىنشىقتارىنىڭ قاۋىپتى جالعان نۇسقالارى تۋرالى ەسكەرتۋ جاساعان ەدى.