«Roskaçestvo» sapa men qauipsizdik talaptarına säykes tekseru jürgizgennen keyin Labubu oyınşığında ulı zattıñ şekten asıp ketkenin anıqtadı. 13 ülginiñ birinde toksikalıq zattıñ normadan joğarı mölşeri tirkelgeni turalı wyımnıñ habarlamasında aytılğan, dep habarlaydı Shalqar.kz.

Önim 53 sapa jäne qauipsizdik körsetkişi boyınşa zertteldi: toksiktik indeks ölşendi, markirovka, mata men tigis sapası tekserildi, sonday-aq gigienalıq qauipsizdikke, onıñ işinde toksikologiyalıq körsetkişterge baylanıstı üş top test jürgizildi.

Tekseru barısında mamandar bir oyınşıqtan rwqsat etilgen normadan joğarı (norma — 2 mg/litr, anıqtalğanı — 2,9 mg/litr) mölşerde dioktilftalat — densaulıqqa qauipti toksikalıq zat taptı.

Dioktilftalat qanşalıqtı ziyandı?

Bwl zattıñ bastı qauiptiligi — reproduktivtik jüyege jäne damuğa uıttı äser etui. Ol gormonaldı jüyeniñ jwmısın bwzadı: äyel jınıs gormondarınıñ (estrogenderdiñ) äreketin imitaciyalaydı nemese bwğattaydı. Bwl äsirese balalar men jükti äyelder üşin qauipti. Er balalar üşin bwl zatpen jii baylanısta bolu reproduktivtik organdardıñ damuına keri äser etui jäne bolaşaqta wrıq sapasınıñ tömendeu qaupin tudıruı mümkin.

Sonımen qatar, dioktilftalat minez-qwlıq pen nevrologiyalıq mäselelerge (mısalı, SDVG damuına) ıqpal etui mümkin.

Wzaq uaqıt äser etken jağdayda bauır men büyrekke uıttı äserin tigizedi. Sonday-aq allergiya men teri titirkenuin şaqıruı mümkin.

Bwğan deyin Avstraliya men Oñtüstik Koreya Labubu oyınşıqtarınıñ qauipti jalğan nwsqaları turalı eskertu jasağan edi.