الماتى وبلىسىندا كوكونىستەر پەن جەمىستەردى تەرەڭ وڭدەيتىن زاماناۋي زاۋىتتىڭ قۇرىلىسى باستالدى, دەپ حابارلايدى Shalqar.kz “قر اۋىل شارۋاشىلىعى مينيسترلىگىنە” سىلتەمە جاساپ.
كاسىپورىننىڭ قۋاتتىلىعى – جىلىنا 70 مىڭ توننا دەپ مەجەلەنىپ وتىر.
جوبا قازاقستاندىق «Qazaq Global Food JV» كومپانيياسىمەن جۇزەگە اسىرىلىپ, جوعارى قوسىلعان قۇنى بار وندىرىستەردى دامىتۋعا, سونداي-اق اگروونەركاسىپ كەشەنىنىڭ ەكسپورتتىق الەۋەتىن ارتتىرۋعا باعىتتالعان.

قازىرگى ۋاقىتتا وسى سالادا الدىڭعى قاتارلى ىرى Göknur Gıda تۇرىك كومپانيياسىمەن Off-take كەلىسىمىنە قول قويىلعان.
كەلىسىمگە سايكەس, اتالعان كومپانييا بولاشاق كاسىپورىن وندىرگەن ونىمدەردىڭ, سونىڭ ىشىندە الما شىرىنى كونتسەنتراتى مەن باسقا دا وڭدەلگەن تاۋارلاردىڭ ەكسپورتىن جۇزەگە اسىراتىن ستراتەگييالىق وپەراتور بولماق.

بۇل سەرىكتەستىك ۇزاق مەرزىمدى وتكىزۋ كەپىلدىكتەرىن قامتاماسىز ەتەدى جانە قازاقستاندىق وندىرۋشىلەردىڭ شەتەلدىك نارىقتارعا قولجەتىمدىلىگىن كەڭەيتەدى, وسىلايشا قازاقستاننىڭ اۋىل شارۋاشىلىعى ونىمدەرىنىڭ حالىقارالىق ساۋداسىنداعى ۇستانىمىن نىعايتادى.

جاڭا زاۋىت زاماناۋي وڭدەۋ تەحنولوگييالارىمەن جابدىقتالىپ, باسەكەگە قابىلەتتى ونىم وندىرۋگە جانە وتاندىق اوك-تى ودان ارى نىعايتۋعا ىقپال ەتەدى.

جوباعا تارتىلعان جالپى ينۆەستيتسييا كولەمى 9,5 ملرد تەڭگە.