Almatı oblısında kökönister pen jemisterdi tereñ öñdeytin zamanaui zauıttıñ qwrılısı bastaldı, dep habarlaydı Shalqar.kz “QR Auıl şaruaşılığı ministrligine” silteme jasap.
Käsiporınnıñ quattılığı – jılına 70 mıñ tonna dep mejelenip otır.
Joba qazaqstandıq «Qazaq Global Food JV» kompaniyasımen jüzege asırılıp, joğarı qosılğan qwnı bar öndiristerdi damıtuğa, sonday-aq agroönerkäsip keşeniniñ eksporttıq äleuetin arttıruğa bağıttalğan.

Qazirgi uaqıtta osı salada aldıñğı qatarlı iri Göknur Gıda türik kompaniyasımen Off-take kelisimine qol qoyılğan.
Kelisimge säykes, atalğan kompaniya bolaşaq käsiporın öndirgen önimderdiñ, sonıñ işinde alma şırını koncentratı men basqa da öñdelgen tauarlardıñ eksportın jüzege asıratın strategiyalıq operator bolmaq.

Bwl seriktestik wzaq merzimdi ötkizu kepildikterin qamtamasız etedi jäne qazaqstandıq öndiruşilerdiñ şeteldik narıqtarğa qoljetimdiligin keñeytedi, osılayşa Qazaqstannıñ auıl şaruaşılığı önimderiniñ halıqaralıq saudasındağı wstanımın nığaytadı.

Jaña zauıt zamanaui öñdeu tehnologiyalarımen jabdıqtalıp, bäsekege qabiletti önim öndiruge jäne otandıq AÖK-ti odan äri nığaytuğa ıqpal etedi.

Jobağa tartılğan jalpı investiciya kölemi 9,5 mlrd teñge.