Bwl aptada jahandağı internet-basılımdar Qazaqstanğa qatıstı jañalıqtı qalıs qaldırmadı, dep habarlaydı Shalqar.kz. Qazaqstan üşin Euroodaqtıñ vizalıq rejimi jeñildeytini, Gruziyamen logistikalıq baylanıstıñ artatını aytılğan. Eldegi kiik populyaciyasınıñ kürt ösui men atom önerkäsibin damıtudıñ josparı da talqılanıptı. 

TASS: Qazaqstan men EO vizalıq rejimdi jeñildetu boyınşa kelissöz ötkizdi.

Bryussel'de Qazaqstan men Europalıq odaq arasındağı Vizalıq rejimdi jeñildetu turalı kelisim jäne Readmissiya turalı kelisim boyınşa alğaşqı kelissöz ötti. Bwl jiın el azamattarınıñ Europağa kiruin edäuir jeñildetui ıqtimal. Kelissöz turalı aqparattı reseylik TASS aqparat agenttigi jariyaladı.

Talqılau barısında taraptar pikir almasıp, bastapqı bağdardı kelisken. Sonıñ işinde saparlardı jeñildetuge, qoğam arasındağı baylanıstardı nığaytuğa, ıntımaqtastıqtı keñeytuge ıqpal etetin zamanaui qwqıqtıq baza qalıptastıru jayı qozğaldı.

QR Sırtqı ister ministrliginiñ mälimetinşe, kelissözder – Europalıq odaq pen Ortalıq Aziya memleketi arasındağı alğaşqı process äri tarihi qadam.

«Otırısta Qazaqstan Respublikası Sırtqı ister ministriniñ orınbasarı Älibek Baqaev pen Europalıq komissiyanıñ Migraciya jäne işki ister jönindegi bas direktoratı bas direktorınıñ orınbasarı Yohannes Luhner teñ törağalıq etti. Kelissözderdiñ bastaluı simvoldıq äri mañızdı oqiğa boldı. Jeltoqsan ayında Qazaqstan men EO arasındağı Keñeytilgen seriktestik pen ıntımaqtastıq turalı kelisimge qol qoyılğanına 10 jıl toladı. Jaña kelissözder treginiñ iske qosıluı on jıl boyı jüyeli türde damıp kele jatqan qatınastardıñ jetilgenin, mazmwndılığın jäne strategiyalıq bağıttılığın körsetedi», – delingen ministrlik mälimetinde.

Qazaqstan men Europalıq odaq kelissözderdi jalğastıruğa jäne kelesi raundtı 2026 jılı Astanada ötkizuge uağdalastı.

Report: Mwnay-gaz himiya öndirisi artadı

Älemdik mwnay narığındağı ahual Qazaqstannıñ saladağı strategiyasına aytarlıqtay äser etkenin bilemiz. Aldağı uaqıtta Ükimet mwnay-gaz himiya öndirisiniñ quatın qayta qaraudı josparlap otır. Osı orayda Report internet basılımı birneşe boljam men eldegi öndiris sayasatına qatıstı jañalıqtı habarladı. Mälimetti tarqatıp köreyik.

Qazaqstanda mwnay-gaz himiyasın damıtu erekşe nazarda. Qazir arnayı zañ jobası äzirlenip jatır. Ol 1-şi jäne 2-şi qayta öñdeu jobaların jedeldetuge, al 3-şi jäne 4-şi qayta öñdeu jobaları üşin jaña qoldau qwraldarın qwruğa bağıttalğan. Jıl soñına deyin eldegi mwnay-himiya öndirisi 589 mln tonnağa jetedi degen boljam bar.

Energetika ministrliginiñ mälimetinşe, 2024 jılı öndiris kölemi 540 mıñ tonna bolğan (2023 jılmen salıstırğanda 1,5 ese köp). Önimniñ basım denin «KPI» JŞS, «Kompaniya Neftehim ltd» JŞS, «Şımkent himiya kompaniyası» JŞS, Atırau MÖZ sekildi salanıñ iri käsiporındarı qamtamasız etken-di.

Sonday-aq bwğan deyin Önerkäsip jäne qwrılıs ministrligi 2032 jılı öñdeu kölemin jılına 30 mln tonnağa deyin wlğayatının aytqan.

– 2040 jılğa qaray zamanaui otın-mwnay-himiyalıq konfiguraciyada quatı 10 mln tonna mwnay öñdeytin jaña ülken sıyımdılıqtağı iri zauıttı iske qosu men öñdeu quatın 30-dan 40 mln tonnağa deyin arttıru josparlanıp jatır. Jaña zauıttıñ öñdeu tereñdigi 95%-dı qwraydı. Bwl jobalardı jüzege asıru işki narıqtıñ janar-jağarmay materialdarına ösip kele jatqan swranısın 100% qamtamasız etuge, sonday-aq mwnay önimderin körşiles elderge eksporttauğa mümkindik beredi, – dedi Önerkäsip jäne qwrılıs ministr E. Aqkenjenov.

Belgili bolğanday, Qazaqstan 2040 jılı mwnay önimderiniñ sapası ekologiyalıq K4 standartınan K5+ standartına köşiredi jäne önimin sırtqı narıqqa eksporttamaq.

Trend: Qazaqstan-Gruziya logistikalıq baylanıstı nığaytadı

Apta basında Mañğıstau oblısınıñ äkimi Nwrdäulet Qilıbay Gruziyanıñ QR-dağı Tötenşe jäne Ökiletti Elşisi Levan Diasamidze bastağan delegaciyamen kezdesti. Taraptar Mañğıstau oblısı men Gruziya arasındağı ekonomikalıq, kölik-logistikalıq, turistik jäne mädeni bağıttar boyınşa ıntımaqtastıqtı keñeytu mäselelerin talqılağan. Aqparattı Trend tarattı.

Oblıs äkimi Mañğıstaudıñ investiciyalıq mümkindikterine toqtalıp, öñirdiñ geografiyalıq ornalasuı, kölik infraqwrılımı jäne qolaylı investiciyalıq ahualı eki jaqtı seriktestik üşin mañızdı faktor ekenin aytqan.

Kezdesude Kaspiy teñizi arqılı Qwrıq – Alyat (Äzerbayjan) bağıtında twraqtı teñiz parom qatınasın wyımdastıru jobası talqılandı. «Georgian Industrial Group» bastamasımen iske asırılıp jatqan joba ayasında 2026 jıldıñ alğaşqı jartıjıldığında eki paromdı iske qosu josparlanuda. 2027 jılğa qaray parom flotı altı kemege deyin wlğaymaq. Bwl Kaspiy bağıtındağı jük tasımalı kölemin arttıruğa, port infraqwrılımın damıtuğa jäne «Transkaspiy halıqaralıq kölik bağıtınıñ» tiimdiligin köteruge mümkindik beredi.

Ayta keteyik, Mañğıstau oblısı men Gruziya arasındağı 2025 jıldıñ qañtar-qazan aylarındağı sırtqı sauda aynalımı 1,9 mln AQŞ dolları köleminde boldı. Büginde öñirde gruzin kapitalınıñ qatısuımen 51 käsiporın jwmıs isteydi.

The Times Of Central Asia: Keler jılı kiik sanı 5 millionğa jetedi

Qazaqstandağı kiikterdiñ sanı 4 millionnan astı. Bwl – el üşin rekordtıq deñgey. Al kelesi jılı töldeuden keyin 5 millionğa jetui mümkin. Memleket kiik populyaciyasın retteu qanday şeşim qabıldaytının The Times Of Central Asia internet basılımı jazdı.

Kiik populyaciyasınıñ düniejüzi boyınşa 98 payızı Qazaqstanda. 2003 jılı qazaq dalasındağı bökender 21 mıñğa deyin azayıp ketken edi. Arada 20 jıldan asa uaqıt ötkende jağday oñaldı, tipti kiik sanı şamadan tıs wlğayıp keledi.

Ükimet mälimetinşe, osı jılı 1 şildeden 30 qaraşağa deyin 196 mıñğa juıq kiik tärkilendi, wşaları otandıq et öñdeu käsiporındarına berildi. Jwmıstar ğılımi wsınımdarğa säykes qatañ türde jürgizildi.

«Derivattardı esepke aluğa jäne saqtauğa erekşe nazar audarıladı. Kiikterdiñ barlıq müyizi tañbalanıp, ministrlikke vedomstvolıq bağınıstı «Ohotzooprom» ÖB» RMQK wyımında küşeytilgen küzet jäne mamandandırılğan infraqwrılım jağdaylarında saqtaladı.

Derivattardı cifrlıq tañbalau jäne halıqaralıq retteu mäseleleri jeke qaraldı. «Qazaqtelekom» AQ-men birlesip tolıq qadağalaudı jäne zañdı aynalımdı qamtamasız etetin kiik müyizderin tañbalau jobası jüzege asırıluda», – dep jazılğan aqparatta.

Wsınılğan jüye CITES Halıqaralıq konferenciyasında qoldau taptı jäne qazaqstandıq derivattardıñ eksportına şekteulerdi kezeñ-kezeñimen alıp tastau üşin negiz retinde qarastırıladı.

Euronews: Qazaqstan yadrolıq jobalar men ğılımi ortalıqtardı damıtıp jatır

Euronews basılımı eldegi atom salasınıñ damuına qatıstı kölemdi aqparat jariyaladı. Onda uran qorı, AES-ke qajetti otın, şeteldik kompaniyalarmen baylanıs taqırıptarı qamtılğan.

Ükimet tayau onjıldıqta birneşe atom elektr stanciyasın saludı josparlap otır – bireui reseylik «Rosatommen» jäne tağı ekeui qıtaylıq seriktesterdiñ qoldauımen jüzege aspaq. Qıtaylıq jobalardıñ egjey-tegjeyi äzirge belgisiz, alayda joba Qazaqstannıñ energetika salasın ärtaraptandıruğa mümkindik beretini sözsiz.

«Rosatom» birinşi stanciyanı 2035 jıl ayaqtauı tiis. Jaqında oğan resmi türde «Balqaş» AES atauı berildi. Bwl AES-te İİİ+ buınındağı eki reaktor jwmıs isteydi. Jiıntıq quatı – 2,4 GVt. 2025 jıldıñ tamızında AES ornalasatın jer esebinde Almatı öñirindegi Ülken auılınıñ mañı tañdaldı.

Qazaqstan uran men yadrolıq otın öndirisine jäne saladağı tehnologiyalardı eksporttau küş salıp keledi. Qazirgi uaqıtta «Qazatomönerkäsip» wlttıq operatorı yadrolıq otın cikliniñ bastapqı ciklin basqaradı, yağni otın komponentterin barlaudı, öndirudi jäne dayındaudı jürgizedi. Kompaniya yadrolıq otın cikliniñ barlıq kezeñin jürgizuge niettenip otır, bwl eldiñ jahandıq jetkizu tizbegindegi poziciyasın nığaytadı.