6 جەلتوقساندا قازاقستاندا پروكۋراتۋرا كۇنى اتاپ وتىلەدى, دەپ حابارلايدى Shalqar.kz.

وسىدان تۋرا 34 جىل بۇرىن جوعارعى كەڭەستىڭ تورالقاسى «قازاق كسر پروكۋراتۋرا ورگاندارىنىڭ بىرىڭعاي جۇيەسىن قۇرۋ, ولاردىڭ دەربەستىگى مەن تاۋەلسىزدىگىن قامتاماسىز ەتۋ تۋرالى» قاۋلى قابىلدادى. سول كەزدەن باستاپ قىزمەتتىك بورىشقا ادالدىق, مىنسىز ادامگەرشىلىك قاسيەتتەر پروكۋرورلىق كورپۋسقا جاڭا سىني تەگەۋرىندەر مەن قاۋىپ-قاتەرلەرگە قارسى ىس-قيمىل جونىندەگى مىندەتتەردى ىسكە اسىرۋدا ەلەۋلى ۇلەس قوسۋىنا مۇمكىندىك بەرىپ كەلەدى.

تاۋەلسىزدىك جىلدارىندا پروكۋراتۋرا ورگاندارى سىندارلى سوپاقتى باسىپ وتىپ, قالىپتاسۋدىڭ ۇلكەن داڭعىل جولىنا تۇسە بىلدى. ۆەدومستۆونىڭ بەدەلى جانە ونىڭ الەۋمەتتىك ماڭىزدىلىعى بىرنەشە ەسە ارتتى. پرەزيدەنت قويعان جاۋاپتى مىندەتتەردى ورىنداي وتىرىپ, رەسپۋبليكا پروكۋراتۋراسى زاڭدىلىق پەن قۇقىقتىق تارتىپتى قامتاماسىز ەتۋدە مەملەكەتتىڭ سەنىمدى تىرەگىنە اينالدى.

ۆەدومستۆو باسشىسى بەرىك اسىلوۆ ازاماتتاردىڭ قۇقىقتارى مەن بوستاندىقتارىن, قوعامنىڭ جانە تۇتاستاي ەل مۇددەلەرىن قورعاۋدىڭ سەنىمدى كەپىلى بولا وتىرىپ, قازاقستان پروكۋراتۋراسى مەملەكەتتىلىكتى نىعايتۋدا شەشۋشى رول اتقاراتىنىن بىرنەشە رەت اتاپ وتتى.

قازاقستان رەسپۋبليكاسىنىڭ پروكۋراتۋراسى — بارلىق دەڭگەيدەگى پروكۋرورلار جوعارى تۇرعان پروكۋرورلارعا جانە باس پروكۋرورعا باعىناتىن, بىر ورتالىقتان باسقارىلاتىن جۇيە. پروكۋراتۋرا وز جۇمىسىن باسقا مەملەكەتتىك ورگانداردان تاۋەلسىز اتقارادى جانە تەك پرەزيدەنتكە عانا ەسەپ بەرەدى.