6 jeltoqsanda Qazaqstanda Prokuratura küni atap ötiledi, dep habarlaydı Shalqar.kz.

Osıdan tura 34 jıl bwrın Joğarğı keñestiñ töralqası «Qazaq KSR prokuratura organdarınıñ birıñğay jüyesin qwru, olardıñ derbestigi men täuelsizdigin qamtamasız etu turalı» qaulı qabıldadı. Sol kezden bastap qızmettik borışqa adaldıq, minsiz adamgerşilik qasietter prokurorlıq korpusqa jaña sıni tegeurinder men qauip-qaterlerge qarsı is-qimıl jönindegi mindetterdi iske asıruda eleuli üles qosuına mümkindik berip keledi.

Täuelsizdik jıldarında prokuratura organdarı sındarlı sopaqtı basıp ötip, qalıptasudıñ ülken dañğıl jolına tüse bildi. Vedomstvonıñ bedeli jäne onıñ äleumettik mañızdılığı birneşe ese arttı. Prezident qoyğan jauaptı mindetterdi orınday otırıp, respublika prokuraturası zañdılıq pen qwqıqtıq tärtipti qamtamasız etude memlekettiñ senimdi tiregine aynaldı.

Vedomstvo basşısı Berik Asılov azamattardıñ qwqıqtarı men bostandıqtarın, qoğamnıñ jäne twtastay el müddelerin qorğaudıñ senimdi kepili bola otırıp, Qazaqstan prokuraturası memlekettilikti nığaytuda şeşuşi röl atqaratının birneşe ret atap ötti.

Qazaqstan Respublikasınıñ prokuraturası — barlıq deñgeydegi prokurorlar joğarı twrğan prokurorlarğa jäne Bas prokurorğa bağınatın, bir ortalıqtan basqarılatın jüye. Prokuratura öz jwmısın basqa memlekettik organdardan täuelsiz atqaradı jäne tek Prezidentke ğana esep beredi.