عىلىم جانە جوعارى بىلىم مينيسترلىگى جالعان ديپلومعا بايلانىستى مالىمدەمە جاسادى, دەپ حابارلايدى ۆەدومستۆوعا سىلتەمە جاساعان Shalqar.kz.

مينيسترلىكتىڭ مالىمەتىنشە, قازىرگى تاڭدا ينتەرنەت كەڭىستىگىندە جالعان ديپلومدار تۋرالى تۇرلى اقپارات كەڭىنەن تارالىپ جاتىر.

قۇجاتتاردىڭ زاڭسىز اينالىمىنىڭ الدىن الۋ ماقساتىندا 1991 جىلدان بەرى بەرىلگەن ديپلومداردىڭ دەرەكتەر بازاسى قۇرىلعان.

"مينيسترلىك بىلىم بەرۋ تۋرالى قۇجاتتاردىڭ وزىندىك ۇلگىسىنىڭ مازمۇنىنا قويىلاتىن نەگىزگى تالاپتاردى, سونداي-اق جوعارى وقۋ ورىندارى تۇلەكتەرىنە ارنالعان وسىنداي قۇجاتتاردىڭ سەرييالارىن بەكىتتى.

ديپلومدار ارنايى مودۋلь ارقىلى بىرەگەي نومىرلەر مەن QR-كودتار بەرۋ جولىمەن قالىپتاستىرىلادى. جۇيەگە قول جەتكىزۋ قۇقىعى وسى مودۋلьدە تىركەلگەن, رەسمي تۇردە جاۋاپتى ۋنيۆەرسيتەت قىزمەتكەرلەرىنە عانا بەرىلەدى", - دەلىنگەن حابارلامادا.

ديپلومداردى گەنەراتسييالاۋ "جوعارى بىلىم بەرۋدىڭ بىرىڭعاي پلاتفورماسى" (جببپ) اقپاراتتىق جۇيەسىندەگى بىلىم الۋشىلار تۋرالى دەرەكتەر نەگىزىندە جۇزەگە اسىرىلادى. ەگەر بىلىم الۋشى تۋرالى اقپارات جببپ-دا بولماسا, ديپلوم نومىرىن قالىپتاستىرۋ مۇمكىن ەمەس.

وزىندىك ۇلگىدەگى بىلىم تۋرالى قۇجاتتاردا گەنەراتسييالانعان بىرەگەي نومىر مەن QR-كود بولماعان جاعدايدا مۇنداي قۇجاتتار جارامسىز دەپ تانىلادى.

مينيسترلىك سونىمەن قاتار مادەنيەت جانە اقپارات, ىشكى ىستەر مينيسترلىكتەرى جالعان ديپلومداردى دايىنداۋ جانە ساتۋ فاكتىلەرىن تۇراقتى تۇردە باقىلاپ, توقتاتىپ وتىراتىنىن ەسكە سالدى.

"قر قىلمىستىق كودەكسىنىڭ 385-بابىنا سايكەس جالعان قۇجاتتاردى جاساۋ نەمەسە قولدانۋ ايىپپۇل سالۋعا, تۇزەۋ جۇمىستارىنا نەمەسە ەكى جىلعا دەيىن باس بوستاندىعىن شەكتەۋ نە ايىرۋعا اكەپ سوعادى.

بۇگىنگى تاڭدا 46 جالعان ديپلوم جانە ولاردى زاڭسىز دايىنداۋمەن اينالىسقان 20 ينتەرنەت-رەسۋرس انىقتالدى. ماتەريالدار ىىم مەن مام-عا جولداندى. جالعان ديپلومداردى جاساۋ نەمەسە پايدالانۋ زاڭمەن قاتاڭ جازالاناتىنىن ەسكەرتەمىز", - دەلىنگەن حابارلامادا.

مينيسترلىك وكىلدەرى جوعارى وقۋ ورىندارى دەرەكتەردى تسيفرلاندىرۋ جۇمىسىن جالعاستىراتىنىن, ال جۇمىس بەرۋشىلەر ديپلومنىڭ تۇپنۇسقالىعىن ارنايى سەرۆيس ارقىلى تەكسەرە الاتىنىن ايتتى.

ديپلومنىڭ ەلەكتروندىق نۇسقاسى ەلەكتروندىق ۇكىمەتتىڭ ("تسيفرلىق قۇجاتتار") موبيلьدى قوسىمشاسىندا دا قولجەتىمدى.