Qasım-Jomart Toqaev el Prezidenti retinde käsipkerlerge şınayı qwrmetpen qaraytının ayttı, - dep habarlaydı Shalqar.kz Aqordağa silteme jasap.

"Qazir älemde bolıp jatqan üderisterdi bäriñiz de körip-bilip otırsızdar. Geoekonomikalıq ahual öte qwbılmalı äri bwlıñğır. Osınday kezeñde biznes ökilderiniñ jasampazdıq, otanşıldıq qasietteri ayqın körinedi. Mwnday uaqıtta käsipkerlerimizdiñ tabandı eñbegi jäne el bolaşağına degen zor senimi asa mañızdı ekeni anıq.

Tüptep kelgende, sapalı önim şığarıp, sapalı qızmet körsetu – bäsekege qabiletti bolu jäne eñ bastısı, elimizdiñ örkendeuine naqtı ispen üles qosu degen söz", - dedi Prezident.

El Prezidenti retinde käsipkerlerge, wlttıq burjuaziyamızğa, sonıñ işinde, eñ aldımen, osı zalda otırğan biznes qoğamdastıqtıñ ökilderine şınayı qwrmetpen qaraymın. Sizderdiñ qabiletteriñizge, iskerlik jäne adamgerşilik qasietteriñizge senemin, dedi Prezident.

"Sizder memleketimizdiñ igiligi, ekonomikalıq äleueti üşin tabandı eñbek etip kele jatqan Qazaqstannıñ nağız patriotısızdar. Sizder jetistikke jetuden şabıt alatın, özgelerge ülgi bolatın azamatsızdar. Är qadamdarıñız sätti bolatınına senimdimin.

Qanday da bir iste bolsın, pessimizmge boy aldıratın, äreketsiz, qwlıqsız, işi tar adamdardıñ jetistikke jetpeytini erteden belgili. Mwnı, äsirese, äleumettik jelide uaqıtın ötkizip jatqan jastar bilui äri este saqtauı kerek.

Şığıs danalığı eñ qiın jağdaydıñ özinde ülken mümkindikter jasırınıp jatatının aytadı. Sondıqtan eñseni tüsirip, küyzeliske beriludiñ qajeti joq. Kerisinşe jetistikke jetetin jol izdeu kerek".