Qazaqstannıñ Armeniyadağı elşiligi Halıqaralıq Armeniya äyelderi qauımdastığı (IWAY) wyımdastırğan Erevandağı jıl sayınğı dästürli Rojdestvolıq qayırımdılıq järmeñkesine qatıstı, dep habarlaydı Shalqar.kz.

İs-şara dästürli türde diplomatiyalıq missiyalardı, halıqaralıq wyımdardı jäne jergilikti qayırımdılıq bastamalardı biriktiredi. Järmeñkeniñ bastı maqsatı – Armeniyada jüzege asırılıp jatqan äleumettik jäne gumanitarlıq jobalardı qoldauğa qarajat jinau.

Qazaqstandıq stendte wlttıq bolmıstı ayşıqtaytın estelik bwyımdar toptaması, sonday-aq mädeniet pen twrmısqa qatıstı zattar wsınıldı. Qonaqtar etnikalıq sändik bwyımdar men qolöner tuındılarına erekşe qızığuşılıq tanıttı.

Körme qonaqtarına qazaq dastarhanı erekşe wnadı. Dipmissiya qızmetkerleriniñ jwbayları äzirlegen mantı, palau, bauırsaq, samsa jäne dästürli tättiler järmeñkedegi eñ swranısqa ie tağamdardıñ qatarına kirdi. Sonday-aq qazı-qarta da joğarı bağalanıp, köptegen qonaq onı Qazaqstannıñ wlttıq dämimen tanısu nietimen satıp aldı.

Diplomatiyalıq ökildik ökilderiniñ aytuınşa, qazaqstandıq taraptıñ qatısuı Qazaqstan men Armeniya arasındağı mädeni baylanıstı nığaytuğa jäne gumanitarlıq ıntımaqtastıqtı damıtuğa ıqpal etedi.

— Qazaqstannıñ Armeniyadağı elşiligi bwl qayırımdılıq järmeñkege jıl sayın qatısadı. Qatısuşılarımız dästürli wlttıq tağamdardı dayındap, estelik bwyımdar wsınıp, qonaqtardı elimizdiñ mädenieti men salt-dästürimen tanıstıradı. Biz ärdayım jergilikti twrğındardıñ Qazaqstanğa jäne onıñ ashanasına degen zor qızığuşılığın sezinemiz. Bwl igi dästür mädenietterdi jaqındastırıp, dostıq atmosferasın qalıptastıradı äri elimizdi beyresmi jağdayda jaña qırınan tanıtuğa mümkindik beredi, — dep äserimen bölisti järmeñkege qatısuşı Läzzat Erkinova.

Ayta keteyik, osığan wqsas dästürli qayırımdılıq järmeñke Qazaqstan Respublikasında akkredittelgen diplomatiyalıq ökildikterdiñ qatısuımen Täjikstannıñ Wlttıq muzeyinde de ötken bolatın.