قىتايدىڭ حاربين قالاسىندا وتىپ جاتقان قىسقى ازييا ويىندارىندا جۇپپەن مانەرلەپ سىرعاناۋ جارىسى وتتى, دەپ حابارلايدى "Shalqar.kz" ينتەرنەت باسىلىمى.
بۇل جارىسقا 6 جۇپ قاتىسقان. ناتيجەسىندە قىسقا باعدارلاما قورىتىندىسى بويىنشا وزبەكستاندىق دۋەت - ەكاتەرينا گەينيچ پەن دميتريي چيگيرەۆ 64,55 بالل جيناپ, بىرىنشى بولدى.
ەركىن باعدارلامادا وزبەكستاندىقتار ەكىنشى بولدى (111, 88), بۇل سىندا سولتۇستىك كورەيا جۇبى العا شىعىپ كەتتى (112,20). الايدا قورىتىندى بويىنشا وزبەكستاندىق سپورتشىلار توپ جاردى.
بۇل - وزبەكستاننىڭ 2025 جىلعى ازياداداعى جانە مانەرلەپ سىرعاناۋداعى العاشقى التىنى. جەرگىلىكتى باق مالىمەتىنشە, سوڭعى رەت ازييا ويىندارىنىڭ التىنىن 1999 جىلى العانى بەلگىلى بولدى.