تاۋارلاردى ەۋرازييالىق ەكونوميكالىق وداق كەدەندىك اۋماعىنىڭ شەگىنەن تىس جەرگە اكەتۋ كەزىندە شەت مەملەكەتتەردىڭ ازاماتتارى سانالاتىن جەكە تۇلعالارعا قوسىلعان قۇن سالىعى سوماسىنىڭ وتەماقىسى بويىنشا پيلوتتىق جوبانى ىسكە اسىرۋ مەرزىمى ۇزارتىلماق. وسىعان قاتىستى قارجى مينيسترى بۇيرىعىنىڭ جوباسى اشىق نقا پورتالىندا جارييالاندى, دەپ حابارلايدى Shalqar.kz.

— وسى نورماتيۆتىك-قۇقىقتىق اكتىدە ەۋرازييالىق ەكونوميكالىق وداققا مۇشە مەملەكەتتەردىڭ اۋماعى ارقىلى تاۋارلاردى اكەتۋدى قوسپاعاندا, تاۋارلاردى ەۋرازييالىق ەكونوميكالىق وداقتىڭ كەدەندىك اۋماعىنىڭ شەگىنەن تىس جەرگە اكەتۋ كەزىندە شەت مەملەكەتتەردىڭ ازاماتتارى بولىپ تابىلاتىن جەكە تۇلعالارعا قوسىلعان قۇن سالىعى سوماسىنىڭ وتەماقىسى بويىنشا پيلوتتىق جوبانى ىسكە اسىرۋ قاعيدالارى جانە مەرزىمى («تاكس فري» پيلوتتىق جوباسى) بەلگىلەنگەن, - دەلىنگەن قۇجاتتا.

جوبا مىناداي ماقساتتى كوزدەيدى:

— پيلوتتىق جوبانى 2026 جىلعا دەيىن ۇزارتۋ;

— اعىمداعى وپەراتورعا بالاما رەتىندە قازاقستاندىق كومپانييانى پيلوتتىق جوباعا قوسۋ;

— پيلوتتىق جوبانىڭ گەوگرافيياسىن كەڭەيتۋ;

— بىر كاسسالىق چەكتەگى سومانى 10 ەڭ تومەنگى ەسەپتىك كورسەتكىشكە دەيىن ازايتۋ;

— قازاقستاندا تۋريزمدى دامىتۋ جانە قوسىلعان قۇن سالىعىن وتەماقىسى ارقىلى شەتەلدىك تۋريستەردى تارتۋ;

— پيلوتتىق جوبانى تسيفرلاندىرۋ مەحانيزمىن سىناقتان وتكىزۋ.