Tauarlardı Euraziyalıq ekonomikalıq odaq kedendik aumağınıñ şeginen tıs jerge äketu kezinde şet memleketterdiñ azamattarı sanalatın jeke twlğalarğa qosılğan qwn salığı somasınıñ ötemaqısı boyınşa pilottıq jobanı iske asıru merzimi wzartılmaq. Osığan qatıstı Qarjı ministri bwyrığınıñ jobası Aşıq NQA portalında jariyalandı, dep habarlaydı Shalqar.kz.

— Osı normativtik-qwqıqtıq aktide Euraziyalıq ekonomikalıq odaqqa müşe memleketterdiñ aumağı arqılı tauarlardı äketudi qospağanda, tauarlardı Euraziyalıq ekonomikalıq odaqtıñ kedendik aumağınıñ şeginen tıs jerge äketu kezinde şet memleketterdiñ azamattarı bolıp tabılatın jeke twlğalarğa qosılğan qwn salığı somasınıñ ötemaqısı boyınşa pilottıq jobanı iske asıru qağidaları jäne merzimi («taks fri» pilottıq jobası) belgilengen, - delingen qwjatta.

Joba mınaday maqsattı közdeydi:

— pilottıq jobanı 2026 jılğa deyin wzartu;

— ağımdağı operatorğa balama retinde qazaqstandıq kompaniyanı pilottıq jobağa qosu;

— pilottıq jobanıñ geografiyasın keñeytu;

— bir kassalıq çektegi somanı 10 eñ tömengi eseptik körsetkişke deyin azaytu;

— Qazaqstanda turizmdi damıtu jäne qosılğan qwn salığın ötemaqısı arqılı şeteldik turisterdi tartu;

— pilottıq jobanı cifrlandıru mehanizmin sınaqtan ötkizu.