2025 жылдың 12 желтоқсанында Алматы қаласындағы Автомобиль технологиясы және сән индустриясы колледжінде Халықаралық «Жанашыр» қоғамдық қорымен бірлесіп, «Желтоқсан – Тәуелсіздік бастауы» атты патриоттық кездесу өтті.

Іс-шараның мақсаты – 1986 жылғы Желтоқсан оқиғасына қатысқан қаһарман жастардың ерлігін ұлықтап, жас ұрпаққа патриоттық тәрбие беру, тарихи оқиғалардан тағылым алу.

Кешке колледж оқытушылары, студенттер мен Желтоқсан оқиғасының ардагерлері қатысты. Желтоқсаншылар - “Патриот-86 ” қоғамдық бірлестігінің төраға орынбасары Ережолла Орынғалиев,   

Алматы қаласы Жастар саясатын дамыту мемлекеттік қорының  “Бәйтерек" демалыс орталығының жетекшісі Мейіргүл Қазыбаева, есірткі, алкоголь және басқа да тәуелділік түрлерінің алдын алу мен емдеу саласында тәжірибесі бар маман Шайзада Тыныбаева, қоғам белсендісі Әлия Жақанаеваларды Халықаралық «Жанашыр» қоғамдық қорының президенті Жаңыл Амантайқызы Әпетова арнайы таныстырып, сөз кезегін ұсынды. Желтоқсан қаһармандарының ерлігі мен елге сіңірген еңбегін атап өтіп, жастардың бойына отансүйгіштік пен ұлттық рухты дарытудың маңызын ерекше атап өтті. Олар жастармен ашық сұхбат құрып, өздерінің сол бір сын сағаттағы бастан кешкен оқиғаларын әсерлі әңгімеледі. Желтоқсан рухын бүгінгі ұрпақтың жүрегінде сақтау жолында жасалып жатқан жұмыстармен бөлісті.

  Өз кезегінде колледж студенттері де арнайы дайындаған тақырыптық қойылымдарын ұсынды.

Іс-шараны қоғамтану пәнінің оқытушысы Ғалия Жолдыбайқызы ұйымдастырып, колледж әкімшілігі тарапынан қолдау көрсетілді.

Кеш соңында колледж ұжымы ардагерлерге алғысын білдіріп, жастар тарапынан қойылған сұрақтар мен тілектер кештің мазмұнын арттыра түсті.

Желтоқсан жастарының ерлігі мен азаттыққа ұмтылысы,

абырой мен ерліктің, ұлттық рухтың белгісі деген ұстаныммен өткен шара жас буынға рухани серпін беріп, ел тарихына құрметпен қарауға үндеді.