2025 jıldıñ 12 jeltoqsanında Almatı qalasındağı Avtomobil' tehnologiyası jäne sän industriyası kolledjinde Halıqaralıq «Janaşır» qoğamdıq qorımen birlesip, «Jeltoqsan – Täuelsizdik bastauı» attı patriottıq kezdesu ötti.

İs-şaranıñ maqsatı – 1986 jılğı Jeltoqsan oqiğasına qatısqan qaharman jastardıñ erligin wlıqtap, jas wrpaqqa patriottıq tärbie beru, tarihi oqiğalardan tağılım alu.

Keşke kolledj oqıtuşıları, studentter men Jeltoqsan oqiğasınıñ ardagerleri qatıstı. Jeltoqsanşılar - “Patriot-86 ” qoğamdıq birlestiginiñ törağa orınbasarı Erejolla Orınğaliev,   

Almatı qalası Jastar sayasatın damıtu memlekettik qorınıñ  “Bäyterek" demalıs ortalığınıñ jetekşisi Meyirgül Qazıbaeva, esirtki, alkogol' jäne basqa da täueldilik türleriniñ aldın alu men emdeu salasında täjiribesi bar maman Şayzada Tınıbaeva, qoğam belsendisi Äliya Jaqanaevalardı Halıqaralıq «Janaşır» qoğamdıq qorınıñ prezidenti Jañıl Amantayqızı Äpetova arnayı tanıstırıp, söz kezegin wsındı. Jeltoqsan qaharmandarınıñ erligi men elge siñirgen eñbegin atap ötip, jastardıñ boyına otansüygiştik pen wlttıq ruhtı darıtudıñ mañızın erekşe atap ötti. Olar jastarmen aşıq swhbat qwrıp, özderiniñ sol bir sın sağattağı bastan keşken oqiğaların äserli äñgimeledi. Jeltoqsan ruhın bügingi wrpaqtıñ jüreginde saqtau jolında jasalıp jatqan jwmıstarmen bölisti.

  Öz kezeginde kolledj studentteri de arnayı dayındağan taqırıptıq qoyılımdarın wsındı.

İs-şaranı qoğamtanu päniniñ oqıtuşısı Ğaliya Joldıbayqızı wyımdastırıp, kolledj äkimşiligi tarapınan qoldau körsetildi.

Keş soñında kolledj wjımı ardagerlerge alğısın bildirip, jastar tarapınan qoyılğan swraqtar men tilekter keştiñ mazmwnın arttıra tüsti.

Jeltoqsan jastarınıñ erligi men azattıqqa wmtılısı,

abıroy men erliktiñ, wlttıq ruhtıñ belgisi degen wstanımmen ötken şara jas buınğa ruhani serpin berip, el tarihına qwrmetpen qarauğa ündedi.