بەيسەنبى كۇنى قازاقستان ەلشىلىگىنىڭ قولداۋىمەن بەلьگييا مۋزىكالىق اسپاپتار مۇراجايىنا قازاقتىڭ ۇلتتىق اسپاپتارى - دومبىرا مەن سازسىرناي تاپسىرۋ راسىمى وتتى, دەپ حابارلايدى Shalqar.kz.

اسپاپتاردى قر ەلشىلىگى «الاتاۋ اۋەندەرى» كونتسەرتتىك ۇيىمىمەن بىرلەسىپ سىيعا تارتتى, بۇل قازاقستان مەن بەلьگييا اراسىنداعى مادەني ديالوگتى نىعايتۋداعى ماڭىزدى قادام بولدى.

سالتاناتتى راسىم بارىسىندا الماتى وبلىسىنىڭ Qulansaz انسامبلىنىڭ مۋزىكانتتارى قازاق كۇيلەرى مەن اۋەندەرىن ورىنداپ, اسپاپتار كورمەگە قويىلماس بۇرىن مۇراجايعا كەلۋشىلەرگە ولاردىڭ دىبىستالۋىن تانىستىردى.

دومبىرا مەن سازسىرناي مۇراجايدىڭ تۇراقتى كوللەكتسيياسىنىڭ بىر بولىگىنە اينالادى جانە ساندىق تۇردە – ونلاين كاتالوگ پەن اۋديوگيد تۇرىندە قولجەتىمدى بولادى, وندا كەلۋشىلەر اربىر اسپاپتىڭ وينالۋىن تىڭداپ, ولاردىڭ شىعۋ تەگى مەن مادەني ماڭىزى تۋرالى بىلە الادى.

بەلьگييا مۋزىكالىق اسپاپتار مۇراجايىنىڭ وكىلى ساسكييا ۆيللاەرت ەكسپوناتتاردى سىيعا تارتۋدىڭ ماڭىزدىلىعىن اتاپ وتتى. 

- بۇل اسپاپتار بىزدىڭ مۇراجايىمىزدى بايىتىپ, كەلۋشىلەرگە الەمنىڭ تاعى بىر جارقىن مۋزىكالىق داستۇرىن اشۋعا مۇمكىندىك بەرەدى. بىز قازاقستانعا وسى ۇلەسى ۇشىن العىس ايتامىز جانە دومبىرا مەن سازسىرناي اسپاپتارىن كەڭ اۋديتوريياعا ۇسىنۋعا قۋانىشتىمىز, - دەدى ول.

بەلьگييا مۋزىكالىق اسپاپتار مۇراجايى (MIM) 1877 جىلى قۇرىلعان كورولьدىك ونەر جانە تاريح مۇراجايلارىنىڭ بىر بولىگى جانە بۇگىندە شامامەن 8 مىڭ اسپاپتان تۇراتىن كەڭ كوللەكتسيياسى, سونداي-اق بريۋسسەلьدىڭ ساۋلەت ەسكەرتكىشتەرىنىڭ بىرى بولعان تاريحي ار-نۋۆو عيماراتىنىڭ ارقاسىندا الەمدەگى جەتەكشى مۋزىكا مۇراجايلارىنىڭ بىرى سانالادى.

ەسكە سالا كەتسەك, قازاقستان مادەنيەتى اپتالىعى اياسىندا ەۋروپا استاناسىندا «الاتاۋ اۋەندەرى» كونتسەرتى وتتى.