Beysenbi küni Qazaqstan elşiliginiñ qoldauımen Bel'giya muzıkalıq aspaptar mwrajayına qazaqtıñ wlttıq aspaptarı - dombıra men sazsırnay tapsıru räsimi ötti, dep habarlaydı Shalqar.kz.

Aspaptardı QR Elşiligi «Alatau Äuenderi» koncerttik wyımımen birlesip sıyğa tarttı, bwl Qazaqstan men Bel'giya arasındağı mädeni dialogtı nığaytudağı mañızdı qadam boldı.

Saltanattı räsim barısında Almatı oblısınıñ Qulansaz ansambliniñ muzıkanttarı qazaq küyleri men äuenderin orındap, aspaptar körmege qoyılmas bwrın mwrajayğa keluşilerge olardıñ dıbıstaluın tanıstırdı.

Dombıra men sazsırnay mwrajaydıñ twraqtı kollekciyasınıñ bir böligine aynaladı jäne sandıq türde – onlayn katalog pen audiogid türinde qoljetimdi boladı, onda keluşiler ärbir aspaptıñ oynaluın tıñdap, olardıñ şığu tegi men mädeni mañızı turalı bile aladı.

Bel'giya muzıkalıq aspaptar mwrajayınıñ ökili Saskiya Villaert eksponattardı sıyğa tartudıñ mañızdılığın atap ötti. 

- Bwl aspaptar bizdiñ mwrajayımızdı bayıtıp, keluşilerge älemniñ tağı bir jarqın muzıkalıq dästürin aşuğa mümkindik beredi. Biz Qazaqstanğa osı ülesi üşin alğıs aytamız jäne dombıra men sazsırnay aspaptarın keñ auditoriyağa wsınuğa quanıştımız, - dedi ol.

Bel'giya muzıkalıq aspaptar mwrajayı (MIM) 1877 jılı qwrılğan Korol'dik öner jäne tarih mwrajaylarınıñ bir böligi jäne büginde şamamen 8 mıñ aspaptan twratın keñ kollekciyası, sonday-aq Bryussel'diñ säulet eskertkişteriniñ biri bolğan tarihi ar-nuvo ğimaratınıñ arqasında älemdegi jetekşi muzıka mwrajaylarınıñ biri sanaladı.

Eske sala ketsek, Qazaqstan mädenieti aptalığı ayasında Europa astanasında «Alatau äuenderi» koncerti ötti.