Әлем

Автор: ADMIN

Әлем 2025-12-18 16:24:00

Следуй за нами

27

Қасым-Жомарт Тоқаев Rakuten Group компаниясының басшысы Хироши Микитаниді қабылдады

news single

     Жапонияға жасаған ресми сапары аясында Қазақстан Президенті Қасым-Жомарт Тоқаев Rakuten Group компаниясының негізін қалаушы, басқарма төрағасы әрі бас директоры Хироши Микитанимен кездесті,- деп хабарлайды "Shalqar.kz"  "Qazaqparat"  телеграм каналына сілтеме жасап.  

 

     Кездесу барысында Мемлекет басшысы Rakuten тобының әлемдегі ең озық жаһандық цифрлық экожүйелердің бірін қалыптастыру жолында қол жеткізген жетістіктерін жоғары бағалады. Президенттің айтуынша, технологиялық даму мен цифрлық трансформацияның жаңа кезеңіне қадам басқан Қазақстан компанияның тәжірибесіне ерекше қызығушылық танытады.

 

     Қасым-Жомарт Тоқаев елімізде алғаш рет жасанды интеллект туралы заң қабылданып, алғашқы ұлттық суперкомпьютер іске қосылғанын, сондай-ақ электрондық үкімет қызметтері мен цифрлық экожүйе жүйелі түрде жетілдіріліп жатқанын атап өтті.

 

     Өз кезегінде Хироши Микитани компания жұмысына берілген оң баға үшін Қасым-Жомарт Тоқаевқа алғыс білдіріп, Қазақстан Президентімен кездесу өзі үшін зор мәртебе екенін айтты. Ол Қазақстанда цифрлық бастамаларды дамыту қарқыны жоғары екенін және оларды жүзеге асыру үшін қомақты инвестициялар тартылып жатқанын ерекше атап өтті.

 

   Анықтама: Rakuten Group — 1997 жылы Хироши Микитани негізін қалаған жапондық технологиялық конгломерат. Компания электрондық коммерция, мобильді байланыс, қаржы технологиялары, цифрлық контент, медиа қызметтер және өзге де онлайн сервистерді қамтитын тұтас цифрлық экожүйені дамытады. Rakuten 30-дан астам ел мен өңірде халықаралық серіктестік орнатқан.

Басқалармен бөлісе отырыңыз
Пікірлер

Все новости


Международное интернет-издание "Shalqar kz"
Подписка на важную информацию международного интернет-издания "Shalqar kz" Будьте в курсе последних новостей Ваша электронная почта подписаться