Жетісу облысы, Жыланды ауылында тұратын Зариф Фархатұлы есімді оқушы туған өлкесінің ерекшеліктерін арқау етіп, екі бірдей компьютерлік ойын әзірледі,деп хабарлайды Shalqar.kz

Бірінші ойында басты кейіпкер жат ғаламшарлықтармен шайқасатын жауынгер рөлін сомдайды. Ал екінші ойында балыққа айналған батырдың оқиғасы баяндалады. Батыр Алакөл мен Балқаш көлдерін жүзіп өтіп, қатты ағысты өзендерді еңсеріп, таудағы Жасылкөлге дейін жетуі керек. Жол бойында жақұттарды жинап, өз бейнесін қалпына келтіру – оның басты мақсаты.

Бұл шығармашылық жұмыстар туған өлкеге деген сүйіспеншілікті ерекше әдіспен жеткізудің жарқын үлгісі болды.