قازاقستان ارحيۆتەرى ەلدىڭ مادەني-تاريحي مۇراسىن ساقتاۋدا ماڭىزدى رول اتقارادى. بۇگىندە ەلىمىزدە 236 مەملەكەتتىك ارحيۆ جۇمىس ىستەيدى, وندا جالپى كولەمى 27,8 ميلليون ساقتاۋ بىرلىگىن بار 74 725 قور ساقتاۋلى, دەپ حابارلايدى Shalqar.kz. 3 ميلليوننان استام ىس ەلەكتروندى فورماتقا كوشىرىلدى. بۇل زەرتتەۋشىلەر مەن قولدانۋشىلار ۇشىن ارحيۆ ماتەريالدارىن ەداۋىر قولجەتىمدى ەتتى.

مەملەكەت باسشىسىنىڭ ۇلتتىق قۇرىلتايدىڭ تورتىنشى وتىرىسىندا بەرگەن تاپسىرماسىن ورىنداۋ ماقساتىندا قازاقستان رەسپۋبليكاسى مادەنيەت جانە اقپارات مينيسترلىگى ارحيۆتەردە, مۋزەيلەردە جانە كىتاپحانالاردا ساقتالعان تاريحي قۇجاتتىق ماتەريالداردى بىرىكتىرەتىن «ۇلتتىق تسيفرلىق ارحيۆ» پورتالىنىڭ جول كارتاسىن بەكىتتى. جوبانى ىسكە اسىرۋ مەرزىمى – 2026 جىلدىڭ جەلتوقسانى.

پرەزيدەنتتىڭ تاپسىرماسىنا سايكەس ورتالىق مەملەكەتتىك ارحيۆ ۇشىن 700 مىڭ ساقتاۋ بىرلىگىنە ارنالعان جاڭا قويما سالۋ ۇشىن جوبالاۋ-سمەتالىق قۇجاتتاما ازىرلەنىپ, مەملەكەتتىك ساراپتاما وڭ قورىتىندى جاسادى.

سونداي-اق جاڭا ارحيۆ عيماراتتارىن سالۋ جوبالارى ازىرلەنىپ جاتىر. ەلدىڭ جەتى وڭىرىندە وسى ماقساتقا ارنالعان جەر تەلىمدەرى بولىندى. جامبىل وبلىسىندا اۋداندىق ارحيۆتەرگە ارنالعان زاماناۋي تالاپتارعا ساي جابدىقتالعان ەكى جاڭا عيمارات سالىندى.

قىزىلوردا وبلىسىندا «رۋحانييات ورتالىعى» اتتى جاڭا عيماراتتار بوي كوتەرىپ, وعان جەتى اۋداننىڭ مەملەكەتتىك ارحيۆتەرى كوشىرىلدى.

ارحيۆ سالاسى قىزمەتكەرلەرىنىڭ كاسىبي دەڭگەيى ارتىپ كەلەدى. سوڭعى ۇش جىلدا مەملەكەتتىك بىلىم بەرۋ گرانتتارىنىڭ سانى ايتارلىقتاي ارتتى. 2023 جىلعا دەيىن «كىتاپحانا ىسى, اقپاراتتى وڭدەۋ جانە ارحيۆ ىسى» باعدارلاماسى بويىنشا 20-عا جۋىق گرانت بولىنسە, 2024–2025 وقۋ جىلىندا ولاردىڭ سانى 122-گە جەتتى. ال ماگيستراتۋرا جانە PhD باعدارلامالارى بويىنشا 30-دان استام مامان دايارلانىپ جاتىر.

ارحيۆ قىزمەتكەرلەرىنىڭ بىلىكتىلىگىن ارتتىرۋ ماسەلەسى دە تىس قالمادى. بيىلدىڭ وزىندە 265 قىزمەتكەر وقىتۋدان وتتى. بۇل شارالار ەڭبەك جاعدايىن جاقسارتۋمەن قاتار جۇرگىزىلدى, ناتيجەسىندە 2025 جىلى ارحيۆ سالاسى قىزمەتكەرلەرىنىڭ ورتاشا جالاقىسى 29% ارتتى.

قازاقستاندىق ارحيۆيستەر ورتالىق ازييا ەلدەرى, رەسەي, بەلارۋسь, قىتاي, گەرمانييا جانە باسقا دا مەملەكەتتەردىڭ ارىپتەستەرىمەن تاجىريبە الماسىپ كەلەدى.

عىلىمي-زەرتتەۋ جۇمىستارىن كۇشەيتۋگە «ارحيۆ – 2025» جوباسى ىقپال ەتتى. عىلىمي ەكسپەديتسييالار بارىسىندا ماماندار گەرمانييا, پولьشا, فرانتسييا, تۇركييا, ۇندىستان, يران, مىسىر جانە ورتالىق ازييا ەلدەرىن قوسا العاندا, 14-تەن استام مەملەكەتتىڭ ارحيۆتەرى, كىتاپحانالارى مەن عىلىمي مەكەمەلەرىنىڭ قورلارىن زەرتتەدى. ناتيجەسىندە قازاقستان تاريحىنا قاتىستى 7 مىڭنان استام قۇندى قۇجات جينالىپ, ولار عىلىمي اينالىمعا كەزەڭ-كەزەڭىمەن ەنگىزىلۋدە.

قازاقستاندىقتاردىڭ ەرلىگىن ۇلىقتاۋ دا سالانىڭ ماڭىزدى باعىتتارىنىڭ بىرى بولىپ قالا بەرەدى. ۇلى وتان سوعىسىنا قاتىسقان باتىرلاردىڭ ەرلىگىن ەسكە الۋ ماقساتىندا «باتىرلارعا تاعزىم» اتتى ۆەب-پورتال اشىلدى.

بۇل پورتالعا 690 مىڭنان استام مايدانگەر تۋرالى مالىمەت ەنگىزىلگەن. سايتتا 365 كەڭەس وداعىنىڭ باتىرى, ەكى مارتە باتىر اتاعىن العان تورت جاۋىنگەر جانە 19 داڭق وردەنىنىڭ يەگەرى تۋرالى دەرەكتەر ۇسىنىلعان. بۇل پورتال تاريحتى بولاشاق ۇرپاق ۇشىن ساقتاپ, وتانداستارىمىزدىڭ باتىرلىعى مەن ەرلىگى تۋرالى مول اقپارات بەرەدى.