Qazaqstan arhivteri eldiñ mädeni-tarihi mwrasın saqtauda mañızdı röl atqaradı. Büginde elimizde 236 memlekettik arhiv jwmıs isteydi, onda jalpı kölemi 27,8 million saqtau birligin bar 74 725 qor saqtaulı, dep habarlaydı Shalqar.kz. 3 millionnan astam is elektrondı formatqa köşirildi. Bwl zertteuşiler men qoldanuşılar üşin arhiv materialdarın edäuir qoljetimdi etti.

Memleket basşısınıñ Wlttıq qwrıltaydıñ törtinşi otırısında bergen tapsırmasın orındau maqsatında Qazaqstan Respublikası Mädeniet jäne aqparat ministrligi arhivterde, muzeylerde jäne kitaphanalarda saqtalğan tarihi qwjattıq materialdardı biriktiretin «Wlttıq cifrlıq arhiv» portalınıñ jol kartasın bekitti. Jobanı iske asıru merzimi – 2026 jıldıñ jeltoqsanı.

Prezidenttiñ tapsırmasına säykes Ortalıq memlekettik arhiv üşin 700 mıñ saqtau birligine arnalğan jaña qoyma salu üşin jobalau-smetalıq qwjattama äzirlenip, memlekettik saraptama oñ qorıtındı jasadı.

Sonday-aq jaña arhiv ğimarattarın salu jobaları äzirlenip jatır. Eldiñ jeti öñirinde osı maqsatqa arnalğan jer telimderi bölindi. Jambıl oblısında audandıq arhivterge arnalğan zamanaui talaptarğa say jabdıqtalğan eki jaña ğimarat salındı.

Qızılorda oblısında «Ruhaniyat ortalığı» attı jaña ğimarattar boy köterip, oğan jeti audannıñ memlekettik arhivteri köşirildi.

Arhiv salası qızmetkerleriniñ käsibi deñgeyi artıp keledi. Soñğı üş jılda memlekettik bilim beru granttarınıñ sanı aytarlıqtay arttı. 2023 jılğa deyin «Kitaphana isi, aqparattı öñdeu jäne arhiv isi» bağdarlaması boyınşa 20-ğa juıq grant bölinse, 2024–2025 oqu jılında olardıñ sanı 122-ge jetti. Al magistratura jäne PhD bağdarlamaları boyınşa 30-dan astam maman dayarlanıp jatır.

Arhiv qızmetkerleriniñ biliktiligin arttıru mäselesi de tıs qalmadı. Biıldıñ özinde 265 qızmetker oqıtudan ötti. Bwl şaralar eñbek jağdayın jaqsartumen qatar jürgizildi, nätijesinde 2025 jılı arhiv salası qızmetkerleriniñ ortaşa jalaqısı 29% arttı.

Qazaqstandıq arhivister Ortalıq Aziya elderi, Resey, Belarus', Qıtay, Germaniya jäne basqa da memleketterdiñ äriptesterimen täjiribe almasıp keledi.

Ğılımi-zertteu jwmıstarın küşeytuge «Arhiv – 2025» jobası ıqpal etti. Ğılımi ekspediciyalar barısında mamandar Germaniya, Pol'şa, Franciya, Türkiya, Ündistan, Iran, Mısır jäne Ortalıq Aziya elderin qosa alğanda, 14-ten astam memlekettiñ arhivteri, kitaphanaları men ğılımi mekemeleriniñ qorların zerttedi. Nätijesinde Qazaqstan tarihına qatıstı 7 mıñnan astam qwndı qwjat jinalıp, olar ğılımi aynalımğa kezeñ-kezeñimen engizilude.

Qazaqstandıqtardıñ erligin wlıqtau da salanıñ mañızdı bağıttarınıñ biri bolıp qala beredi. Wlı Otan soğısına qatısqan batırlardıñ erligin eske alu maqsatında «Batırlarğa tağzım» attı veb-portal aşıldı.

Bwl portalğa 690 mıñnan astam maydanger turalı mälimet engizilgen. Saytta 365 Keñes Odağınıñ Batırı, eki märte Batır atağın alğan tört jauınger jäne 19 Dañq ordeniniñ iegeri turalı derekter wsınılğan. Bwl portal tarihtı bolaşaq wrpaq üşin saqtap, otandastarımızdıñ batırlığı men erligi turalı mol aqparat beredi.