Соңғы уақытта қазақстандықтарға +870 кодынан басталатын нөмірлерден жиі қоңырау түсуде. Мамандар бұл қоңырауларға аса сақ болуды ескертеді. Мемлекеттік техникалық қызмет (МТҚ) бұл кодтың Inmarsat спутниктік байланысына тиесілі екенін және негізінен теңізде, әуеде немесе шалғай аймақтарда қолданылатынын мәлімдеді, деп хабарлайды Shalqar.kz.

Алайда, алаяқтар осы кодты өз пайдасына қолданып, қазақстандық нөмірлерге ұқсатып, адамдарды алдауға тырысады.

Қайта қоңырау шалудың қандай қаупі бар?
 • Халықаралық тарифтер бойынша сіздің шотыңыздан үлкен сомада қаражат алынуы мүмкін.
 • Алаяқтар сіздің жеке деректеріңізді, SMS кодтарыңызды немесе банк карталарының мәліметтерін біліп алуға тырысуы мүмкін.
 • Қоңырауға жауап беру арқылы сіз алаяқтық схемалардың құрбаны болу қаупін арттырасыз.

Қауіпті кодтар тізімі:
 • +870 – жалпы спутниктік байланыс коды
 • +871 – Атлант мұхитының шығыс бөлігі
 • +872 – Тынық мұхиты аймағы
 • +873 – Үнді мұхиты
 • +874 – Атлант мұхитының батыс бөлігі

Өзіңізді қалай қорғай аласыз?
 • +870 және басқа күмәнді кодтардан келген қоңырауларға жауап бермеңіз.
 • Белгісіз нөмірлерге қайта қоңырау шалмаңыз.
 • Жеке мәліметтеріңізді ешкімге жібермеңіз.
 • Күдікті жағдай туындаса, құқық қорғау органдарына хабарласыңыз.

Есіңізде болсын! Егер белгісіз нөмір сізден SMS коды немесе банк деректерін сұраса – бұл 100% алаяқтық!