Оңтүстік Кореяның Сеул қаласында өткен мәнерлеп сырғанаудан Төрт құрлық чемпионатында қазақстандық Михаил Шайдоров алтын медаль жеңіп алып, тарихи жетістікке қол жеткізді, деп хабарлайды Shalqar.kz.

Отандасымыз екі бағдарламаның қорытындысы бойынша 285.10 ұпай жинап, өз мансабындағы рекордты жаңартты.

Чемпионатқа 15 елден 95 спортшы қатысқанымен, Шайдоров 24 үздік мәнерлеп сырғанаушының арасынан суырылып шығып, бірінші орынды иеленді.

Бұл жеңіс – қазақ спортындағы айтулы оқиға. Михаил Шайдоров еліміздің мәнерлеп сырғанау тарихында аты алтын әріппен жазылған Денис Теннің жетістігін қайталап, жаңа дәуірдің есігін ашты!