مەملەكەت باسشىسىنىڭ اۋىل شارۋاشىلىعى ونىمدەرىن قايتا وڭدەۋ ۇلەسىن 70%-عا دەيىن ۇلعايتۋ جونىندەگى تاپسىرماسىن ورىنداۋ شەڭبەرىندە رەسپۋبليكانىڭ ماي سالاسى كۇنباعىس مايىن ەكسپورتتاۋشىلاردىڭ الەمدىك رەيتينگىندە قازاقستاننىڭ 8-شى ورىنعا شىعۋىن قامتاماسىز ەتتى. بۇل تۋرالى مايلى داقىلداردى وڭدەۋشىلەر ۇلتتىق قاۋىمداستىعىنىڭ باسقارما توراعاسى يادىكار يبراگيموۆ مالىمدەدى, دەپ حابارلايدى Shalqar.kz.

2025 جىلدىڭ 10 ايىندا تازارتىلعان مايدىڭ ەكسپورتى 22%-عا وسىپ, 132 مىڭ توننادان استى. شەتەلدىك جەتكىزىلىمدەردىڭ جالپى كولەمىندەگى جوعارى قايتا بولۋ ونىمدەرىنىڭ ۇلەسى 25%-عا دەيىن وستى, ال بىر جىل بۇرىن بۇل كورسەتكىش 18%-دان اسپاعان.

2026 جىلى سالانى دامىتۋعا جيىنتىق قۋاتتىلىعى جىل سايىن 370 مىڭ توننا بولاتىن تورت ىرى ينۆەستيتسييالىق جوبانى ىسكە قوسۋ ىقپال ەتەتىن بولادى. بۇل قازاقستانعا تاياۋداعى ەكى-ۇش جىلدا ورتالىق ازييا مەن تاياۋ شىعىس نارىقتارىنداعى پوزيتسيياسىن نىعايتۋعا مۇمكىندىك بەرەدى.

«مەملەكەت باسشىسى اۋىل شارۋاشىلىعى ونىمدەرىن تەرەڭ وڭدەۋدى دامىتۋ جونىندە ناقتى مىندەت قويدى. وسى تاپسىرمانى جۇزەگە اسىرۋدىڭ جانە شيكىزاتتىق ەمەس تاۋارلاردىڭ ەكسپورتىن قولداۋدىڭ ناتيجەسىندە بۇرىن نەتتو-يمپورتتاۋشى بولعان قازاقستان سوڭعى جىلدارى ايتارلىقتاي ناتيجەلەرگە قول جەتكىزدى.

بيىل بىز الەمدىك رەيتينگتە التىنشى ورىنعا يە بولامىز دەپ كۇتەمىز. ورتا مەرزىمدى پەرسپەكتيۆادا بىزدىڭ ماقساتىمىز – توپ-5-كە كىرۋ, ال بولاشاقتا كۇنباعىس مايىن الەمدەگى ەڭ ىرى جەتكىزۋشىلەردىڭ ۇشتىگىنە ەنۋ»,

— دەپ اتاپ وتتى يادىكار يبراگيموۆ.