Memleket basşısınıñ auıl şaruaşılığı önimderin qayta öñdeu ülesin 70%-ğa deyin wlğaytu jönindegi tapsırmasın orındau şeñberinde respublikanıñ may salası künbağıs mayın eksporttauşılardıñ älemdik reytinginde Qazaqstannıñ 8-şi orınğa şığuın qamtamasız etti. Bwl turalı Maylı daqıldardı öñdeuşiler wlttıq qauımdastığınıñ basqarma törağası YAdıkar Ibragimov mälimdedi, dep habarlaydı Shalqar.kz.

2025 jıldıñ 10 ayında tazartılğan maydıñ eksportı 22%-ğa ösip, 132 mıñ tonnadan astı. Şeteldik jetkizilimderdiñ jalpı kölemindegi joğarı qayta bölu önimderiniñ ülesi 25%-ğa deyin östi, al bir jıl bwrın bwl körsetkiş 18%-dan aspağan.

2026 jılı salanı damıtuğa jiıntıq quattılığı jıl sayın 370 mıñ tonna bolatın tört iri investiciyalıq jobanı iske qosu ıqpal etetin boladı. Bwl Qazaqstanğa tayaudağı eki-üş jılda Ortalıq Aziya men Tayau Şığıs narıqtarındağı poziciyasın nığaytuğa mümkindik beredi.

«Memleket basşısı auıl şaruaşılığı önimderin tereñ öñdeudi damıtu jöninde naqtı mindet qoydı. Osı tapsırmanı jüzege asırudıñ jäne şikizattıq emes tauarlardıñ eksportın qoldaudıñ nätijesinde bwrın netto-importtauşı bolğan Qazaqstan soñğı jıldarı aytarlıqtay nätijelerge qol jetkizdi.

Biıl biz älemdik reytingte altınşı orınğa ie bolamız dep kütemiz. Orta merzimdi perspektivada bizdiñ maqsatımız – TOP-5-ke kiru, al bolaşaqta künbağıs mayın älemdegi eñ iri jetkizuşilerdiñ üştigine enu»,

— dep atap ötti YAdıkar Ibragimov.