Қазақстан мұсылмандары биыл қасиетті Рамазан айын 1 наурыздан бастап қарсы алады. Бұл туралы Бас мүфти Наурызбай қажы Тағанұлы Рамазан қарсаңында өткен баспасөз мәслихатында мәлімдеді, деп хабарлайды Shalqar.kz.

Ораза айының маңызды күндері

Мүфтияттың хабарлауынша, биыл Рамазан айы 29 күнге созылады:
 • 1 наурыз – Рамазан айының басталуы;
 • 26-27 наурыз – қасиетті Қадір түні;
 • 30 наурыз – Ораза айт мерекесі.

Бұл күндер Түркі мемлекеттері ұйымына қарасты Мүфтилер алқасы жанындағы Пәтуа кеңесінің ғылыми зерттеулеріне және ортақ шешіміне сәйкес белгіленген.

Айта кетейік, Ораза айт – мұсылмандардың ең ұлық мерекелерінің бірі. Бұл күні мұсылмандар мешітке барып, Айт намазын оқиды, жақындарына ізгі тілектерін білдіріп, қайырымдылық жасап, дастархан жаяды.