Бүгін, 27 ақпан – қоғам дамуына елеулі үлес қосып жүрген үкіметтік емес ұйымдарды (ҮЕҰ) қолдау күні. Бұл дата алғаш рет 2014 жылы Финляндияның Хельсинки қаласында халықаралық деңгейде атап өтілген, деп хабарлайды Shalqar.kz.

Дүниежүзілік ҮЕҰ күні азаматтық сектордың қоғамдағы рөлін айшықтап, олардың жаһандық деңгейдегі құндылықтарын, мақсаттары мен жетістіктерін насихаттауға арналған. Үкіметтік емес ұйымдар әлеуметтік мәселелерді шешуде, білім беруде, экологияны қорғауда, адам құқықтарын қамтамасыз етуде және өзге де маңызды салаларда белсенді жұмыс істейді.

Қазақстанда да ҮЕҰ-ның рөлі жылдан жылға артып келеді. Қазіргі таңда елімізде 22 мыңнан астам үкіметтік емес ұйым бар. Олар түрлі бағытта қызмет атқарып, қоғамның дамуына өз үлесін қосып келеді.