Қазақстан Президенті Қасым-Жомарт Тоқаев қазақстандықтарды қасиетті Рамазан айының басталуымен және Алғыс айту күнімен құттықтады, деп хабарлайды Shalqar.kz.

“Баршаңызды қасиетті Рамазан айының басталуымен құттықтаймын…

Биыл Рамазан айы Алғыс айту күнімен тұспа-тұс келіп отыр. Мұның зор символдық мәні бар. Мазмұны терең, мағынасы үндес қос мереке халқымыздың берекелі бірлігін одан әрі нығайта түсуге шақырады. Оразадан оразаға аман-есен жете берейік...

Туған елдің игілігі үшін адал әрі тынымсыз еңбек етіп жүрген барша отандастарыма алғыс айтамын. Сіздерге зор денсаулық, бақ-береке тілеймін" – деп атап өтті Президент өз құттықтауында.