جەر بەتىندە 11 قاڭتارعا قاراعان تۇنى ماگنيتتىك داۋىل بولدى. بۇل 2026 جىلدىڭ باسىنان بەرگى ەكىنشى داۋىل, دەپ حابارلايدى Shalqar.kz تاسس اگەنتتىگىنە سىلتەمە جاساپ.

زەرتحانادان حابارلاعانداي, ول كەيبىر اۋدانداردا شامامەن 50 گرادۋس ەندىككە دەيىن تومەندەيتىن كۇشتى پوليارلىق ساۋلەلەرىمەن ەرەكشەلەندى. بۇل تۋرالى رەسەي عىلىم اكادەميياسىنىڭ عارىشتىق زەرتتەۋلەر ينستيتۋتى كۇن استرونومييا زەرتحاناسى مەن رەسەي عىلىم اكادەميياسى سىبىر بولىمشەسىنىڭ كۇن-جەر فيزيكاسى ينستيتۋتىنىڭ مالىمدەمەسىندە حابارلاندى.

زەرتحانا كوپتەگەن جەردە قولايسىز اۋا رايى بۇل قۇبىلىستى باقىلاۋعا ايتارلىقتاي كەدەرگى كەلتىرگەنىن اتاپ وتتى.

ماگنيتتىك داۋىل سوڭعى بىرنەشە كۇندە بولعان السىز جارقىلداردىڭ بىرىنەن شىعارىلعان پلازما بۇلتىنىڭ جەرگە جاقىنداۋىنا رەاكتسييا بولعانى انىقتالدى.

وربيتادان الىنعان دەرەكتەرگە سۇيەنسەك, جەر الى دە پلازما بۇلتىنىڭ ىشىندە. سوندىقتان افتەرشوكتار بولۋى مۇمكىن ەكەنى ايتىلدى.

2026 جىلعى العاشقى ماگنيتتىك داۋىل 3 قاڭتاردىڭ تۇنىندە بولدى.

ەسكە سالايىق, 2025 جىلى ماگنيتتىك داۋىل بولعان كۇندەر سانى سوڭعى 10 جىلداعى, ال گەوماگنيتتىك بۇزىلىس بولعان كۇندەر سانى سوڭعى 20 جىلداعى ەڭ جوعارى كورسەتكىشكە يە بولدى.