ەۋرازييالىق ەكونوميكالىق كوميسسييا كەڭەسى شەتەلدىك ماركەتپلەيستەردەن ساتىپ الىنىپ, ەلەكتروندى ساۋداعا سالىناتىن تاۋارلاردى اكەلۋدىڭ جاڭا تارتىبى مەن شارتتارىن بەكىتتى. ولار بيىل 1 شىلدەدە كۇشىنە ەنەدى, دەپ حابارلايدى Shalqar.kz.

ەندى قۇنى 200 ەۋرودان تومەن تاۋارلادى باجسىز اكەلۋگە بولادى. ەگەر باعاسى ودان جوعارى بولسا, ساتىپ الىناتىن تاۋاردىڭ جالپى قۇنىنىڭ 5 پايىزى كولەمىندە كەدەندىك باج سالىعى مەن قوسىلعان قۇن سالىعى سالىنادى. كەدەندىك باجدىڭ ەڭ تومەنگى قۇنى كەلىسىنە 1 ەۋرو. 

سونىمەن قاتار كەيبىر تاۋار ساناتتارىنا, ونىڭ ىشىندە اۆتوكولىكتەرگە, ارنايى كەدەندىك مولشەرلەمەلەر قولدانىلادى.

قانداي تاۋارلارعا جەڭىلدەتىلگەن دەكلاراتسييا قولدانىلمايدى?

جاڭا ەرەجەلەر اياسىندا ەلەكتروندىق ساۋدادا جەڭىلدەتىلگەن دەكلاراتسييالاۋ تارتىبى جۇرمەيتىن تاۋارلاردىڭ تىزىمى دە بەكىتىلدى. بۇلار — زاڭ بويىنشا جەكە پايدالانۋعا ارنالعان تاۋار دەپ سانالمايتىن ونىمدەر. اتاپ ايتقاندا, كۇنگە قىزدىرىنۋعا ارنالعان سوليارييلەر, ىشتەن جانۋ قوزعالتقىشتارى, مەديتسينالىق جيھازدار, ويىن اۆتوماتتارى جانە باسقا دا تاۋارلار وسى ساناتقا كىرەدى.

بۇعان قوسا, اكەلۋ مەن اكەتۋگە ەرەكشە تالاپ قويىلاتىن ونىمدەر دە شەكتەۋگە ۇشىرايدى. ولاردىڭ قاتارىندا قارۋ-جاراق پەن وق-دارى, قازبا جانۋارلاردىڭ سۇيەكتەرى, قاۋىپتى قالدىقتار جانە وزگە دە تاۋارلار بار.

سونداي-اق الكوگولь ونىمدەرى, تەمەكى بۇيىمدارى, قولما-قول اقشا, اۋە جانە سۋ كولىكتەرى, كەيبىر كولىك تۇرلەرى مەن ولاردىڭ شاسسيلەرى دە بۇل جەڭىلدەتىلگەن تارتىپكە جاتپايدى.

وسىلايشا, ەلەكتروندىق ساۋدا سالاسىنداعى جاڭا تالاپتار 2026 جىلدىڭ 1 شىلدەسىنەن باستاپ رەسمي تۇردە قولدانىسقا ەنگىزىلەدى.

وسىعان دەيىن پارلامەنت دەپۋتاتتارى شەتەلدىك ماركەتپلەيستەرگە شەكتەۋ ەنگىزۋدى ۇسىنعان بولاتىن.