Автор: ADMIN
«GULDER» انسامبلىنىڭ 55 جىلدىعى: ۇلتتىق ونەردىڭ جارقىن تويى
روزا باعلانوۆا اتىنداعى «قازاقكونتسەرت» مەملەكەتتىك اكادەمييالىق كونتسەرتتىك ۇيىمىنىڭ «GULDER» انسامبلى 55 جىلدىق مەرەيتويىن ەرەكشە سان-سالتاناتپەن اتاپ وتتى. بۇل ايتۋلى كەش ۇلتتىق ونەردىڭ بيىك شىڭىن ايقىنداپ, كورەرمەندەرگە ۇمىتىلماس اسەر سىيلادى, دەپ حابارلايدى Shalqar.kz تىلشىسى سىرتقى ىستەر مينيسترلىگىنە سىلتەمە جاساپ.
مەرەيتويلىق گالا-كونتسەرت اياسىندا ارنايى دايىندالعان ەكسكليۋزيۆتى اسپاپتىق-حورەوگرافييالىق قويىلىمدار كورەرمەن نازارىنا ۇسىنىلدى. سونداي-اق, جاڭا حورەوگرافييالىق كومپوزيتسييانىڭ پرەمьەراسى وتىپ, اۆتورلىق اندەر شىرقالدى. شارا بارىسىندا تانىمال ارتىستەرمەن ەرەكشە كوللابوراتسييالار ۇيىمداستىرىلىپ, كلاسسيكالىق ونەردىڭ زاماناۋي ينتەرپرەتاتسيياسى كورەرمەن كوڭىلىنەن شىقتى.
كونتسەرتتە قازاق مادەنيەتىنىڭ اڭىزعا اينالعان تۇلعالارى مەن جاس تالانتتار بىر ساحنادا باس قوسىپ, ونەردىڭ ساباقتاستىعىن كورسەتتى. كەشكە قازاقستاننىڭ حالىق ارتىسى روزا رىمباەۆا, قازاقستاننىڭ ەڭبەك سىڭىرگەن ارتىسى ايجان نۇرماعامبەتوۆا, قر ەڭبەك سىڭىرگەن قايراتكەرى ايگۇل ەلشىباەۆا, «دارىن» مەملەكەتتىك جاستار سىيلىعىنىڭ لاۋرەاتتارى الىبەك الماديەۆ پەن ادىلحان ماكين, سونداي-اق حالىقارالىق جانە رەسپۋبليكالىق بايقاۋلاردىڭ لاۋرەاتتارى قاتىستى.
كەش بارىسىندا قر مادەنيەت جانە اقپارات مينيسترى ايدا بالاەۆانىڭ قۇتتىقتاۋ حاتى وقىلدى. وندا «GULDER» انسامبلىنىڭ ۇلتتىق ونەردى دامىتۋداعى ەرەكشە رولى مەن ونىڭ حالىقارالىق دەڭگەيدەگى جەتىستىكتەرى ەرەكشە اتاپ وتىلدى.
مەرەكەلىك كەشتىڭ شارىقتاۋ شەگى تانىمال قازاقستاندىق ونەرپازداردىڭ ونەر كورسەتۋىمەن جالعاستى. بەلگىلى انشىلەر جانار دۇعالوۆا, ARO جانە قوبىزشى ولجاس قۇرمانبەك مەرەكەلىك كونتسەرتتىڭ كوركىن قىزدىرىپ, كەش قوناقتارىنا كەرەمەت كوڭىل-كۇي سىيلادى.
«GULDER» انسامبلىنىڭ باس بالەتمەيستەرى – انۆارا سادىقوۆا, كوركەمدىك جەتەكشىسى – ابزال وسىمباەۆ.
بۇل كەش – جارتى عاسىردان استام تاريحى بار ۇجىمنىڭ ۇلتتىق مادەنيەتكە قوسقان ەلەۋلى ۇلەسىنىڭ ايقىن كورىنىسى. «GULDER» انسامبلى وز ونەرىمەن قازاق ونەرىنىڭ ۇزدىك داستۇرلەرىن جالعاستىرىپ قانا قويماي, ونى جاڭا دەڭگەيگە كوتەرىپ, بولاشاق ۇرپاققا مۇرا ەتىپ قالدىرۋدا.
Басқалармен бөлісе отырыңыз
Пікірлер

Басты жаңалықтар

Apple قازاقستاندا دەنساۋلىققا ارنالعان سمارت-سەرۆيستەردى ىسكە قوستى

Ğalımdar qaterli isikti anıqtaytın erekşe robot jasadı

قازاقستان عىلىمىنداعى جاڭا داۋىر: ۇلتتىق عىلىم اكادەميياسى تاراتىلدى
Последние новости

AQŞ 185 elge baj salığın engizdi: Qazaqstanğa qanday äseri bar?

اقش 185 ەلگە باج سالىعىن ەنگىزدى: قازاقستانعا قانداي اسەرى بار?

Apple Qazaqstanda densaulıqqa arnalğan smart-servisterdi iske qostı