Roza Bağlanova atındağı «Qazaqkoncert» memlekettik akademiyalıq koncerttik wyımınıñ «GULDER» ansambli 55 jıldıq mereytoyın erekşe sän-saltanatpen atap ötti. Bwl aytulı keş wlttıq önerdiñ biik şıñın ayqındap, körermenderge wmıtılmas äser sıyladı, dep habarlaydı Shalqar.kz tilşisi Sırtqı İster ministrligine silteme jasap.

Mereytoylıq gala-koncert ayasında arnayı dayındalğan eksklyuzivti aspaptıq-horeografiyalıq qoyılımdar körermen nazarına wsınıldı. Sonday-aq, jaña horeografiyalıq kompoziciyanıñ prem'erası ötip, avtorlıq änder şırqaldı. Şara barısında tanımal ärtistermen erekşe kollaboraciyalar wyımdastırılıp, klassikalıq önerdiñ zamanaui interpretaciyası körermen köñilinen şıqtı.

Koncertte qazaq mädenietiniñ añızğa aynalğan twlğaları men jas talanttar bir sahnada bas qosıp, önerdiñ sabaqtastığın körsetti. Keşke Qazaqstannıñ halıq ärtisi Roza Rımbaeva, Qazaqstannıñ eñbek siñirgen ärtisi Ayjan Nwrmağambetova, QR eñbek siñirgen qayratkeri Aygül Elşibaeva, «Darın» memlekettik jastar sıylığınıñ laureattarı Älibek Älmadiev pen Ädilhan Makin, sonday-aq halıqaralıq jäne respublikalıq bayqaulardıñ laureattarı qatıstı.

Keş barısında QR Mädeniet jäne aqparat ministri Aida Balaevanıñ qwttıqtau hatı oqıldı. Onda «GULDER» ansambliniñ wlttıq önerdi damıtudağı erekşe röli men onıñ halıqaralıq deñgeydegi jetistikteri erekşe atap ötildi.

Merekelik keştiñ şarıqtau şegi tanımal qazaqstandıq önerpazdardıñ öner körsetuimen jalğastı. Belgili änşiler Janar Dwğalova, ARO jäne qobızşı Oljas Qwrmanbek merekelik koncerttiñ körkin qızdırıp, keş qonaqtarına keremet köñil-küy sıyladı.

«GULDER» ansambliniñ bas baletmeysteri – Anvara Sadıqova, körkemdik jetekşisi – Abzal Ösimbaev.

Bwl keş – jartı ğasırdan astam tarihı bar wjımnıñ wlttıq mädenietke qosqan eleuli ülesiniñ ayqın körinisi. «GULDER» ansambli öz önerimen qazaq öneriniñ üzdik dästürlerin jalğastırıp qana qoymay, onı jaña deñgeyge köterip, bolaşaq wrpaqqa mwra etip qaldıruda.