Ұлыбритания королі III Чарльз бен Украина президенті Владимир Зеленский Лондонда кездесті, деп хабарлайды Shalqar.kz британдық ақпарат құралдарына сілтеме жасап.

Кездесу Сандрингем сарайында өтті. БАҚ мәліметінше, Зеленский резиденцияға әскери тікұшақпен келген.

Украина президенті Лондонда өтіп жатқан Еуроодақ басшыларының саммитіне қатысып жатыр. Бұған дейін ол Ұлыбритания премьер-министрі Кейр Стармермен келіссөздер жүргізген.

Айта кетейік, бұған дейін Украина Ұлыбританиядан 3,2 миллиард доллар көлемінде қорғаныс несиесін алғаны туралы хабарланған болатын.