AQŞ-tıñ prezidenti Donal'd Tramptıñ beynesi salınğan jaña banknot payda boluı mümkin. Oñtüstik Karolinadan saylanğan respublikalıq kongressmen Djo Uilson 250 dollarlıq kupyura şığaru turalı zañ jobasın äzirlep jatqanın mälimdedi, dep habarlaydı Shalqar.kz.

Djo Uilson äleumettik jelidegi jazbasında AQŞ-tıñ gravirovka jäne baspa byurosına Tramptıñ portreti beynelengen banknottı dayındau turalı wsınıs jasağanın ayttı. Onıñ aytuınşa, bwl bastama qazirgi ekonomikalıq qiındıqtarmen, atap aytqanda, “baydenflyaciyamen” (prezident Djo Baydenniñ sayasatı saldarınan tuındağan inflyaciya) baylanıstı. Kongressmen amerikalıqtardıñ qımbatşılıqtıñ äserinen qolma-qol aqşağa degen swranısı artqanın atap ötti.

Alayda New York Post basılımı bwl wsınıstıñ zañğa qayşı ekenin eske saldı. Sebebi, 1866 jılğı AQŞ zañnamasına säykes, dollar banknottarında tiri adamdardıñ beynesin saluğa tıyım salınğan. Sonımen qatar, AQŞ-ta 1969 jıldan beri 100 dollardan joğarı nominaldı kupyuralar şığarılmaydı.

Ayta keteyik, bwğan deyin 2024 jıldıñ mausım ayında Arizonadan saylanğan respublikalıq kongressmen Pol Gosar 500 dollarlıq banknotqa Tramptıñ beynesin qoyudı wsınğan bolatın. Biraq bwl zañ jobası da äli qabıldanğan joq.

250 dollarlıq Tramp banknotı iske asa ma, älde sayasi wran ğana ma? Bwl swraqtıñ jauabı äzirge belgisiz, alayda bastama qızu talqılanuda.